प्रियकरच बनला हैवान! प्रेयसीवर सामूहिक बलात्कार

प्रियकराने शारीरिक संबंधाचे व्हिडिओ बनवून आपल्या मित्रांसोबत शेअर केले. त्यानंतर अल्पवयीन प्रेयसीवर वारंवार सामूहिक बलात्कार केला. कर्नाटकातील येलहंका येथे ही घटना घडली असून याप्रकरणी बंगळुरू पोलिसांनी सात जणांना अटक केली आहे, तर अन्य फरार आरोपींचा पोलिस शोध घेत आहेत.

अल्पवयीन मुलीचे एका २५ वर्षीय तरुणावर प्रेम होते. त्याने आपल्या येलहंका येथील घरी नेऊन तिच्यावर लैंगिक अत्याचार केला. त्याने आपल्या मित्राकडून या शारीरिक संबंधाचा व्हिडिओ बनवला. त्यानंतर या व्हिडिओद्वारे मुलीला ब्लॅकमेल करून वारंवार तिच्यावर बलात्कार केला. त्यानंतर तिचा प्रियकर आणि त्याच्या मित्राने त्यांच्या इतर मित्रांना हा व्हिडिओ शेअर केला. त्यांनी व्हिडिओ व्हायरल करण्याची धमकी देत तिच्यावर सामूहिक बलात्कार केला.

अशी उघडकीस आली घटना -

एक दिवस मुलगी रडत घरी परतली. तेव्हा पोलिसांनी ही घटना उघडकीस आल्याचे सांगितले. तिच्या आईने तिला काय झाले याबद्दल विचारणा केली. पण, आई-वडिल रागावतील म्हणून ती खोटं बोलली. तिने मसालेदार कबाब खाल्ल्यामुळे पोट दुखत असल्याचे सांगितले. त्यामुळे रडत असल्याचे तिने आईला सांगितले. पण, ती काही दिवस सतत रडत होती. त्यामुळे आईने तिला विश्वासात घेऊन तिला विचारले. त्यानंतर तिने घडलेली घटना आईला सांगितले. आई-वडिलांनी तत्काळ पोलिस ठाणे गाठून तक्रार दाखल केली. त्यानुसार पोलिसांनी आतापर्यंत मुख्य आरोपी मुलीच्या प्रियकरासह सात जणांना अटक केली आहे. तसेच अन्य आरोपींचा शोध सुरू आहे. त्यांनी हे व्हिडिओ आणखी कोणाला शेअर केले आहेत का? याचा तपास करण्यासाठी पोलिसांनी आरोपींचे मोबाईल जप्त करून सायबर पोलिसांना पाठवले आहेत. येलहंका पोलिसांनी पोक्सोसह विविध कलमान्वये गुन्हा दाखल केला आहे.