सामूहिक बलात्कार पीडितेवर पोलिस ठाण्यातच पुन्हा बलात्कार, अधिकारी निलंबित | Sakal
sakal

बोलून बातमी शोधा

Minor Girl Physical  Abused Uttar Pradesh

सामूहिक बलात्कार पीडितेवर पोलिस ठाण्यातच पुन्हा बलात्कार, अधिकारी निलंबित

ललितपूर : सामूहिक बलात्कार झाल्यानंतर तक्रार नोंदविण्यासाठी गेलेल्या तरुणीवर पोलिस अधिकाऱ्याने बलात्कार (Crime Against Girl) केल्याचा आरोप आहे. उत्तर प्रदेशातील ललितपूर (Lalitpur Uttar Pradesh) जिल्ह्यात ही घटना घडली असून सहा जणांविरोधात गुन्हा दाखल करण्यात आला आहे. सध्या पोलिस अधिकाऱ्याला निलंबित करण्यात आले असून तो फरार आहे.

हेही वाचा: धक्कादायक! गर्भवती महिलेवर पतीसमोरचं नराधमांनी केला सामूहिक बलात्कार

गेल्या २२ एप्रिलला एका अल्पवयीन मुलीचे अपहरण करून चार तरुणांनी तिच्यावर बलात्कार केला होता. आरोपींच्या तावडीतून सुटका झाल्यानंतर पीडितेने न्याय मिळावा म्हणून पोलिस ठाण्यात धाव घेतली असता न्याय देण्याऐवजी तिचा छळ करण्यात आला. तिच्यावर पोलिस अधिकाऱ्याने बलात्कार केला, असा आरोप १३ वर्षीय अल्पवयीन मुलीने केला आहे. त्यानंतर उत्तर प्रदेश पोलिसांनी गंभीर दखल घेतली असून आरोपी पोलिस अधिकारी आणि इतर आरोपींना अटक करण्यासाठी पोलिस पथके तयार करण्यात आली आहे. पीडितेने या घटनेची तक्रार पोलिस अधीक्षकांकडे केल्यानंतर ही कारवाई करण्यात आली आहे.

पोलिस अधिकारी आणि इतरांविरुद्ध बलात्कार आणि पॉक्सो कायद्यांतर्गत गुन्हा दाखल करण्यात आला आहे. मात्र, आरोपी पोलिस अधिकाऱ्याला अटक होणे बाकी आहे. आम्ही एका आरोपीला अटक केली असून त्याची चौकशी करत आहोत. SHO निलंबित असून तो गुन्हेगार आहे. त्यामुळे त्याला अटक करण्यासाठी आम्ही पथके तयार केली आहेत. एका एनजीओने मुलीला माझ्या कार्यालयात आणले. यानंतर मुलीने सर्व प्रकार सांगितला, असं ललितपूरचे एसपी निखिल पाठक यांनी सांगितले.

Web Title: Minor Physically Abused By Sho In Lalitpur Police Uttar Pradesh

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top