पुण्यातील मुळशी तालुक्यातील पोमगाव येथील श्री जगद्गुरु प्रतिष्ठान संचलित श्री राधा चैतन्य गोशाळा गुरववाडी येथे गोशाळेवर दरड कोसळून मोठी दुर्घटना घडली. या घटनेत सुमारे आठ ते दहा जनावरे मृत्युमुखी पडली. दरडीखाली अडकलेल्या जनावरांना यंत्राच्या साहाय्याने बाहेर काढण्यात आले. गोशाळेत सुमारे दीडशे जनावरे असून उर्वरित जनावरे सुरक्षित असून त्यांना तातडीने सुरक्षित ठिकाणी हलविण्यात आले आहे.
