मुलायम सिंह यादव यांचा आजार बळावला; रुग्णालयात दाखल

लखनौ : उत्तर प्रदेशचे माजी मुख्यमंत्री मुलायम सिंह यादव यांना पुन्हा लखनऊच्या मेंदाता रूग्णालयात दाखल करण्यात आले आहे. त्यांची प्रकृती चिंताजनक असून त्यांचा पोट दुखीचा आजार चांगलाच बळावला आहे. त्यामुळेच त्यांना रूग्णालयात दाखल करण्यात आलं आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे ► क्लिक करा  

मुलायम सिंह यादव यांना डॉक्टरांनी डिस्चार्ज दिला होता, मात्र पुन्हा एकदा काल (ता. १०) रविवारी संध्याकाळी त्यांची तब्बेत बिघडली यामुळे त्यांना पुन्हा रूग्णालयात दाखल करण्यात आलं आहे. पोटात सूज आल्यामुळे दुखत होतं यावर उपचार घेण्यासाठी बुधवारी संध्याकाळी शहीद पथवर असलेल्या मेदांता रूग्णालयात दाखल करण्यात आलं. दोन दिवसाच्या उपचारानंतर घरी सोडण्यात आलं. मात्र आजार पुन्हा बळावला आहे. 

जगाची चिंता वाढवणारी बातमी : कोरोनामुक्त झालेल्या वुहानमध्ये पुन्हा सापडला रुग्ण

काल (ता. १०) शनिवारी हॉस्पिटलमधील डॉ. राकेश कपूर यांनी सांगितलं की मुलायम सिंह यांचं पोट फुगत होतं. अनेक दिवसांपासून त्यांच पोट साफ झालं नव्हतं. त्यांच्या पोटातील मोठ्या आतड्यांमध्ये काही समस्या आहेत. कोलोनोस्कोपी करून त्यांच पोट साफ करण्यात आलं. रूग्णालयाच्या गेस्ट्रोइंट्रोलॉजिस्टिक डॉ. अभय कुमार वर्मा आणि गॅस्ट्रो सर्जन डॉ. आनंद प्रकाश यांच्या देखरेखीखाली उपचार सुरू आहेत. डॉक्टरांच्या उपचारानंतर त्यांना सोडण्यात आलं. मात्र, पुन्हा तब्बेत बिघडय्वारर त्यांना रूग्णालयात दाखल करण्यात आलं आहे.