फायझरचे घेतले तीन डोस; तरीही मुंबईतील व्यक्ती ओमिक्रॉन बाधित | Sakal
sakal

बोलून बातमी शोधा

Corona

फायझरचे घेतले तीन डोस; तरीही मुंबईतील व्यक्ती ओमिक्रॉन बाधित

मुंबई: बृहन्मुंबई महानगरपालिकेने (बीएमसी) दिलेल्या माहितीनुसार, न्यूयॉर्कहून परतलेल्या एका 29 वर्षीय पुरुषाला ओमिक्रॉनची बाधा झाली आहे. काल शुक्रवारी त्याचा अहवाल पॉझिटीव्ह आला. (Omicron Positive) या व्यक्तीमध्ये कसल्याही प्रकारची लक्षणे दिसून आलेली नव्हती. तसेच त्या व्यक्तीने फायझरच्या लशीचे (Pfizer Vaccine) तीन डोस घेतले होते. या व्यक्तीची 9 नोव्हेंबर रोजी विमानतळावर चाचणी करण्यात आली होती, ज्यामध्ये तो पॉझिटीव्ह निघाला होता. त्यानंतर त्याचे नमूने जिनोम सिक्वन्सिंगसाठी पाठवण्यात आले होते. (Omicron in India)

हेही वाचा: रोहिणी कोर्टात DRDO च्या शास्त्रज्ञानं केला स्फोट, वकिलाला ठार करण्याचा होता प्लॅन

15 मधील 13 रुग्ण बरे

बीएमसीने दिलेल्या माहितीनुसार, त्या रुग्णांच्या संपर्कात आलेल्या दोघांचीही चाचणी निगेटीव्ह आली आहे. मात्र, रुग्णाला दक्षता म्हणून दवाखान्यात भरती करण्यात आलं आहे तसेच त्याच्यामध्ये कसलीही लक्षणे नाहीयेत. देशाची आर्थिक राजधानी मुंबईमध्ये सध्या ओमिक्रॉनची संख्या 15 झाली असून त्यातील पाच जण हे मुंबईच्या बाहेरचे आहेत. यामधील 13 जण बरे झाले असून दवाखान्यातून घरी गेले आहेत. शहरामध्ये आतापर्यंत आढळलेल्या 15 ओमिक्रॉन बाधित रुग्णांमध्ये कसल्याही प्रकारचे गंभीर लक्षण दिसून आलेले नाहीयेत.

हेही वाचा: अमित शहा, पियुष गोयल, नितीन गडकरी यांच्या नावे बनावट लस प्रमाणपत्र!

कलम 144 लागू

ओमिक्रॉनच्या संभाव्य धोक्याच्या पार्श्वभूमीवर मुंबई पोलिसांनी 16 डिसेंबर ते 31 डिसेंबरपर्यंत कलम 144 लागू केले आहे. याअतंर्गत मोठ्या संख्येने लोकांनी एकत्र जमण्यावर प्रतिबंध लादण्यात आला आहे. जेणेकरुन गर्दीमुळे कोरोनाचा प्रसार टाळता येऊ शकेल. कोणत्याही प्रकारच्या कार्यक्रमाच्या ठिकाणी 50 टक्के क्षमतेच्या वर परवानगी नसेल. तसेच सर्वांचे लसीकरण झालेले असणे अनिवार्य असणार आहे.

Web Title: Mumbai Man Tests Positive For Omicron After Taking Three Doses Of Pfizer Vaccine

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Mumbai Newspfizer vaccine
go to top