Neem Karoli Baba : नीम करोली बाबांच्या या गोष्टी ऐकाल तर कायम पैशांनी भरलेला राहील खिसा

Neem Karoli Baba Money Tips : नैनिताल येथील कैंची धाम आश्रमातील नीम करोली बाबा जग प्रसिद्ध आहेत. त्यांचे भक्त अनेक प्रसिद्ध व्यक्ती आहेत. यात फेसबुकचे संस्थापक मार्क झुकरबर्ग आणि अॅप्पलचे संस्थापक स्टीव्ह जॉब्ज यांचा समावेश आहे. या दोघांच्या आयुष्यात इतर सामान्य लोकांप्रमाणे समस्या होत्या तेव्हा ते या आश्रमात बाबांच्या दर्शनासाठी आले होते. या शिवाय काही महिन्यांपूर्वी विराट कोहली आणि पत्नी अनुष्का शर्मा हो सुद्धा दर्शनाला गेले होते.

नीम करोली बाबा यांचा जीवन प्रवास

उत्तर प्रदेशच्या अकबरपूर गावात १९००च्या सुमारास त्यांचा जन्म झाला होता. त्यांच नाव लक्ष्मी नारायण शर्मा होतं. वयाच्या ११ व्या वर्षी एका ब्राह्मण परिवारातल्या मुलीशी त्यांचा विवाह झाला. साधू जीवन जगण्यासाठी त्यांनी घर, संसाराचा त्याग केला. पण नंतर वडिलांच्या आग्रहास्तव परत आले. त्यानंतर त्यांना २ मुलं आणि १ मुलगी झाली. आयुष्याच्या शेवटच्या टप्प्यात कैंची धाममध्ये राहीले.

बाबांचे चमत्कार आणि उपदेश अनेकांना जीवनाची दिशा दाखवणारे ठरले आहेत. त्यांनी अशा काही गोष्टी सांगितल्या आहेत ज्या इतर कोणाशीही शेअर करू नये. याचे पालन केले तर तुम्ही सुखी जीवन जगू शकतात.

पैसे वापरावे कसे?

बाबा नीम करोली म्हणतात तुमच्याकडे किती जास्त पैसा आहे यावर तुमची श्रीमंती ठरत नाही. ते पैसे कसे वापरावे याविषयी योग्य ज्ञान असणे आवश्यक आहे. आपल्याकडे असलेल्या पैशाचा योग्य ठिकाणी उपयोग करणे आणि गरजूंना योग्यवेळी मदत करणे आवश्यक असतो.

योग्य ठिकाणी खर्च

बाबांचं म्हणंण आहे की, जे लोक पैसे योग्य ठिकाणी खर्च करतात, त्यांची तिजोरी कायम भरलेली असते. जमवलेले पैसे कधी ना कधी संपणारच आहेत. त्यामुळे पैसे फक्त साठवू नये तर ते खर्चही करायला हवे. पण ते योग्य ठिकाणी असावे, ज्यामुळे पुन्हा कमवण्यासाठी प्रयत्न व्हावे.

खरा धनवान कोण?

बाबा म्हणतात की ज्या व्यक्तीचं चारित्र्य, वर्तणुक आणि इश्वराची आस्था याने कोष भरलेले असले तर तो व्यक्ता धनवान असतो. अशा व्यक्तीने कधीच स्वतःला गरीब समजू नये. भौतिक गोष्टी नश्वर असतात. माणसाचं खरं धन वर सांगितलेल्या गोष्टी आहेत.

दान धर्म

नीम करोली बाबांनुसार माणसाला आपल्या कमाईतला एक हिस्सा दान धर्मासाठी खर्च करायला हवा. अशा व्यक्तीला कधी इतरांकडे हात पसरवण्याची वेळ येत नाही.