Coronavirus : भारताचे शेजारी राष्ट्र असलेल्या 'या' तीन देशात कोरोनामुळे एकही मृत्यू नाही

नवी दिल्ली : जगभरात कोरोनाने अक्षरशः कोरोनाने थैमान घातले आहे. अशात भारतातही कोरोग्रस्तांची संख्या ३३ हजारांवर गेली असून १ हजारांच्या पुढे मृत्यू झाले आहेत. मात्र, भारताचे शेजारी राष्ट्र असलेल्या नेपाळ, भूतान आणि मालदीव या तीन देशामध्ये कोरोनामुळे एकाही व्यक्तीचा मृत्यू झालेला नाही.

ताज्या बातम्यांसाठी डाऊनलोड करा ई-सकाळचे ऍप

भारताचे ०३ शेजारी देश असलेले नेपाळ, भूतान आणि मालदीव हे जगातील अशा काही देशांमध्ये आहेत जिथे कोरोनामुळे एकही मृत्यू झालेला नाही. पर्यटनासाठी प्रसिद्ध असलेल्या मालदीवमध्ये कोरोनाची २५० प्रकरणे समोर आली आहेत. परंतु एकाचाही येथे मृत्यू झालेला नाही. नेपाळमध्येही कोरोनाचे ५४ रुग्ण आढळले आहेत. परंतु अद्याप येथे कोणाच्या ही मृत्यूची माहिती समोर आलेली नाही. भूतानमध्ये कोरोनाचे ०७ रुग्ण आढळले असून तेथेही एकाही रुग्णाचा मृत्यू झालेला नाही.

Coronavirus : सरकारी कर्मचाऱ्यांच्या वेतनात २५ टक्के कपात

दरम्यान, कोरोना विषाणूमुळे जनजीवन विस्कळीत झालं असून या धोकादायक विषाणूमुळे मृतांचा आकडा रोजच वाढत आहे. जगभरात कोरोनाची ३१ लाखांच्या वर प्रकरणे गेली असून अमेरिकेसारख्या प्रगत देशात यातील जवळपास १० लाखाच्या वर रुग्ण आहेत. जगभरात आतार्यंत या विषाणूंमुळे दोन लाखांच्या वर मृ्त्यू झाले आहेत.