Companies in Noida display salary hike notices as workers return after recent unrest.
esakal
नोएडा आणि ग्रेटर नोएडामधील कामगारांच्या हिंसक आंदोलनाचा धूर आता निवळला असला, तरी ठिकठिकाणी झालेल्या तोडफोडीच्या खुणा आजही भीषणतेची साक्ष देत आहेत. प्रशासनाच्या कडक भूमिकेनंतर आणि नवीन वेतनवाढीच्या घोषणेनंतर आज सुमारे ७० टक्के कामगार कामावर परतले आहेत. आज रोजी नोएडातील औद्योगिक वसाहतींमध्ये जनजीवन हळूहळू पूर्वपदावर येत आहे. मात्र, गेल्या दोन दिवसांत झालेल्या जाळपोळीमुळे अनेक निष्पाप लोकांचे मोठे नुकसान झाले आहे.
