पारलेजीची मोठी घोषणा; अशी करणार गरजूंना मदत

वृत्तसेवा
गुरुवार, 26 मार्च 2020

कोरोना व्हायरसच्या प्रसारामुळे देशभरात पंतप्रधान नरेंद्र मोदी यांनी देशभरात २१ दिवसांसाठी लॉकडाउन केल्यामुळे हातावर पोट भरणारे अडचणी निर्माण झाल्या आहेत. अशावेळी पारले-जी बिस्कीट कंपनीने हातावर पोट असणाऱ्यांसाठी आणि गरजूंसाठी मोठी घोषणा केली आहे.

मुंबई : कोरोना व्हायरसच्या प्रसारामुळे देशभरात पंतप्रधान नरेंद्र मोदी यांनी देशभरात २१ दिवसांसाठी लॉकडाउन केल्यामुळे हातावर पोट भरणारे अडचणी निर्माण झाल्या आहेत. अशावेळी पारले-जी बिस्कीट कंपनीने हातावर पोट असणाऱ्यांसाठी आणि गरजूंसाठी मोठी घोषणा केली आहे.

बातम्या ऐकण्यासाठी डाऊनलोड करा ई-सकाळचे ऍप

हातावर पोट असणारांच्या मदतीसाठी पारले-जी कंपनीनं पुढाकार घेत मदतीचा हात पुढे केला आहे. कंपनी पुढच्या तीन आठवड्यात तब्बल 3 कोटी बिस्किट पाकिटांचं वाटप करणार असल्याची घोषणा केली आहे. लॉकडाऊनच्या काळात दर आठवड्यात १ कोटी अशा प्रकारे तीन आठवड्यात 3 कोटी पाकिटांचं वाटप करणार असल्याचं कंपनीने म्हटलं आहे. सरकारच्या मदतीनं गरजू लोकांना याचं वाटप करण्यात येणार आहे.

देशातील टोलवसुली बंद; गडकरींची घोषणा

दरम्यान, देशभर २१ दिवसांच्या लॉकडाउनला सुरुवात झाली. या काळात सर्वाधिक हाल हे हातावर पोट असणाऱ्या मजुरांचे होत आहेत. सकाळी कमवायचं आणि रात्री खायचं अशी उपजिविका करणाऱ्यांनी आता करायचं काय असा प्रश्न निर्माण झाला. अशा गरीब लोकांसाठी मदतीचं आवाहनही करण्यात येत आहे. त्या आवाहनाला प्रतिसाद देत पारले-जी कंपनीनं केलेली मदत ही प्रंशसनीय आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Parle G Will Donate 3 Crore Packs Of Biscuits In Next Three Weeks