देशभरात नवे निर्बंध? पंतप्रधान मोदींनी बोलावली महत्वाची बैठक|PM Modi Corona Review Meeting | Sakal
sakal

बोलून बातमी शोधा

PM Narendra Modi Corona Review Meeting

देशभरात नवे निर्बंध? पंतप्रधान मोदींनी बोलावली महत्वाची बैठक

नवी दिल्ली : देशात कोरोनाची रुग्णसंख्या झपाट्यानं वाढत आहे. गेल्या २४ तासांत दीड लाखांपेक्षा अधिक रुग्णांची (India Corona Cases) नोंद करण्यात आली आहे. त्यामुळे चिंता वाढली असून देशातील कोरोना स्थितीचा आढावा घेण्यासाठी पंतप्रधान मोदींनी आज सायंकाळी साडेचार वाजता महत्वाची बैठक बोलावली आहे. या बैठकीत देशात नवे निर्बंध लावण्यातबाबत निर्णय होणार आहे का? याकडे लक्ष लागलं आहे.

हेही वाचा: कोरोनाचा धसका; पंतप्रधान मोदींनी रद्द केला पुणे दौरा

गेल्या २४ तासांत दिवसभरात देशात १ लाख ५९ हजार ४२४ नवे रुग्ण आढळले आहेत. तर ४० हजार ८६३ जण कोरोनामुक्त झाले. तसेच कोरोनामुळे ३२७ जणांचा मृत्यू झाला आहे. पॉझिटिव्हीटी रेट १०.२१ टक्क्यांवर पोहोचला आहे. त्यामुळे मोदींनी महत्वाची बैठक बोलावली असून यामध्ये राज्यांना निर्बंधांबाबत नवे निर्देश देण्यात येण्याची शक्यता आहे.

दरम्यान, देशातील कोरोनाच्या एकूण रुग्णसंख्येपैकी सर्वाधिक रुग्ण महाराष्ट्र आणि दिल्लीत आहेत. त्यामुळे चिंता अधिकच वाढली आहे. महाराष्ट्र सरकारने कोरोनाबाबत नवे निर्बंध जारी केले असून १० जानेवारीपासून त्याची अंमलबजावणी होणार आहे. महाराष्ट्रात सकाळी ५ ते रात्री ११ वाजेपर्यंत जमावबंदी लागू करण्यात आली आहे, तर रात्री ११ ते सकाळी ५ वाजेपर्यंत संचारबंदी लागू करण्यात आली आहे. तसेच सार्वजनिक सभांवर देखील बंद घातली असून लग्नावर देखील काही निर्बंध आहेत. आता मोदींच्या बैठकीनंतर राज्याला आणखी काय सूचना येतात हे पाहणे महत्वाचे ठरणार आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Narendra Modi
loading image
go to top