PM Modi समर्थकांनीच अडवला ताफा? व्हिडीओमुळे निर्माण झाला प्रश्न |PM Modi Security Breach Video Viral | Sakal
sakal

बोलून बातमी शोधा

PM Modi Security Breach Video Viral
PM Modi समर्थकांनीच केली गाडीजवळ घोषणाबाजी; व्हिडीओ व्हायरल

PM Modi समर्थकांनीच अडवला ताफा? व्हिडीओमुळे निर्माण झाला प्रश्न

पंतप्रधान नरेंद्र मोदी (PM Narendra Modi) यांचा फिरोजपूर दौरा सुरक्षेतील मोठ्या त्रुटींमुळे रद्द करण्यात आला. गृह मंत्रालयाने एका निवेदनात म्हटलं आहे की, काही आंदोलकांनी रास्ता रोको केल्यामुळं पंतप्रधान 15-20 मिनिटे फ्लायओव्हरवर अडकले होते. (PM Modi Security Breach) या गंभीर सुरक्षेतील त्रुटींची दखल घेत गृह मंत्रालयाने राज्य सरकारकडून सविस्तर अहवाल मागवला आहे. एवढेच नाही तर भाजपने सत्ताधारी काँग्रेस सरकारवर पंतप्रधानांच्या कार्यक्रमात घोळ आणि सुरक्षेत मोठी कुचराई केल्याचा आरोप केला आहे. मात्र आता या प्रकरणात वेगवेगळ्या गोष्टी समोर येत असतानाच एक व्हिडीओ किसान एकता मोर्चाने शेअर केला आहे. (PM Modi Security Breach Video Viral)

हेही वाचा: PM मोदींच्या सुरक्षेवरुन 16 माजी पोलीस महासंचालकांचं राष्ट्रपतींना पत्र

पंतप्रधान नरेंद्र मोदी यांच्या ताफ्याजवळ भाजप कार्यकर्त्यांनीच घोषणाबाजी केल्याचा एक व्हिडीओ किसान एकता मोर्चाने शेअर केला आहे. यामध्ये काही लोक हातात भाजपचा ध्वज घेऊन, गळ्यात भाजपचा गमछा घालून उभे आहेत आणि ते पंतप्रधान नरेंद्र मोदी यांच्या समर्थनात घोषणा देत आहेत.

हेही वाचा: 'PM मोदींच्या सुरक्षेत चूक नाही', पंजाबचं गृहमंत्रालयाला पत्र

नवाब मलिक यांनी एका व्हिडीओचे ट्विट रिट्वीट करत एक प्रश्न उपस्थित केला आहे. प्रत्येक राज्यामध्ये सेंट्रल इंटेलिजन्स एजन्सी म्हणजेच आयबीचे डेप्यूटी डायरेक्टर अथवा संयुक्त डायरेक्टर रँकचे ऑफिसर तैनात असतात. पंजाबच्या आयबी अधिकाऱ्यांना या प्रकाराबाबत आधीच माहिती मिळाली नव्हती का? या व्हिडीओमध्ये पाहा आंदोलनकर्ते घोषणा देत मोदींच्या किती जवळ गेले आहेत. असं या व्हिडीओला ट्विट करणाऱ्या व्यक्तीने लिहलं आहे. (Nawab Malik Retweet Video)

हेही वाचा: बाबा रामदेवांची वाढणार डोकेदुखी! 'कोरोनिल'वरील दाव्याची होणार चौकशी

हा व्हिडीओ रिट्विट करत नवाब मलिकांनी विचारलंय की, आंदोलकांनी भाजपचा झेंडा का धरला आहे? हे लोक कोण आहेत? असा सवाल त्यांनी केला आहे. या व्हिडीओच्या शेवटी घोषणा देणाऱ्यांमध्ये एक व्यक्ती भाजपचा झेंडा घेऊन उभा असलेला दिसून येतो आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Narendra Modi
loading image
go to top