मोदींची आज आसाम भेट; 7 कॅन्सर हॉस्पिटलची करणार पायाभरणी | Narendra Modi Visits Assam | Sakal
sakal

बोलून बातमी शोधा

Narendra Modi Visits Assam

मोदींची आज आसाम भेट; 7 कॅन्सर हॉस्पिटलची करणार पायाभरणी

नवी दिल्ली : पंतप्रधान नरेंद्र मोदी आज आसाम या राज्याला भेट देणार आहेत. कार्बी आंगलोंग या जिल्ह्यातील दिफूमध्ये शांती, एकता आणि विकास रॅलीचे आयोजन करण्यात आलं असून सभेमध्ये ते जनतेला संबोधित करणार आहेत अशी माहिती पंतप्रधान कार्यालयाकडून देण्यात आली आहे.

(PM Narendra Modi Visit Assam)

मोदी दिफू येथे पशुवैद्यकीय महाविद्यालय, पश्चिम कार्बी आंगलाँग येथील पदवी महाविद्यालय आणि कोलोंगा, पश्चिम कार्बी आंगलाँग येथे कृषी महाविद्यालयाची पायाभरणी करणार असल्याची माहिती दिली आहेत. 500 कोटींहून अधिक किंमतीचे हे प्रकल्प या प्रदेशात कौशल्य आणि रोजगाराच्या नवीन संधी आणतील. कार्यक्रमादरम्यान, पंतप्रधान 2950 हून अधिक अमृत सरोवर प्रकल्पांची पायाभरणी करतील. हे अमृत सरोवर राज्यात सुमारे 1150 कोटी रुपये खर्चून विकसित केले जाणार आहेत असंही पंतप्रधान कार्यालयाकडून देण्यात आलं आहे.

हेही वाचा: तुमचे सुरक्षा कर्मचारी काय करत होते? पोलिस आयुक्तांचंच केंद्राकडे पत्र

पंतप्रधान कार्यालयाच्या एका निवेदनात म्हटले आहे की, भारत सरकार आणि आसाम सरकारने कार्बी अतिरेकी संघटनांसोबत नुकत्याच केलेल्या सामंजस्य करारावर स्वाक्षरी केल्यामुळे या प्रदेशाच्या शांतता आणि विकासासाठी मदत होणार आहे. या सामंजस्य कराराने ईशान्येत शांततेच्या नव्या पर्वाची सुरुवात केली आहे. 'शांती, एकता आणि विकास रॅली'मधील पंतप्रधानांचे भाषण संपूर्ण प्रदेशातील शांतता उपक्रमांना चालना देणार असल्याची माहिती दिली.

पंतप्रधान मोदी दुपारी डिब्रूगढ कॅन्सर मेडिकल कॉलेज येथे जाणार असून त्याचं लोकार्पण केलं जाणार आहे. त्यानंतर डिब्रूगढ येथील खनिकर मैदानात मोदींची एक सभा होणैर आहे. डिब्रूगढ येथील कॅन्सर हॉस्पिचलच्या लोकार्पणासोबतच पंतप्रधान मोदी आज नव्या ७ कॅन्सर हॉस्पिटलची पायाभरणी करणार आहेत. अशी माहिती पंतप्रधान कार्यालयाकडून देण्यात आली आहे.

Web Title: Pm Narendra Modi Assam Visit Dedicate 7 Cancer Hospital

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :CancerAssamNarendra Modi
go to top