हरयाणा : अल्पवयीन मुलीवर सामुहिक बलात्कार; तीन जणांवर गुन्हा

हरयाणा : येथील जींद जिल्ह्यात धक्कादायक घटना घडलीय. दोन व्यक्तींनी १६ वर्षीय मुलीवर बलात्कार (Minor girl rape crime) केल्याची संतापजनक घटना समोर आलीय. हे नराधम पीडित मुलीचा व्हिडिओ काढून पैशांसाठी तिला धमकावत होते. याप्रकरणी पीडितेच्या आईनं पोलीस स्टेशनमध्ये आरोपींविरोधात शनिवारी रात्री तक्रार दाखल केली. त्यानंतर पोलिसांनी पोक्सो (Pocso) अंतर्गत तीन आरोपींवर गुन्हा दाखल (police FIR on three culprits) केला आहे. यात एका महिलेचाही समावेश आहे. असं वृत्त इंडिया टुडेनं दिलं आहे. (Police complaint filed on three culprits in minor girl rape crime)

पोलिसांनी दिलेल्या माहितीनुसार, गेल्या वर्षी ५ ऑगस्टला पीडित मुलगी शेजारी भाड्याने राहत असलेल्या महिलेला भेटायला गेली होती. त्यावेळी या आरोपींनी पीडितेवर बलात्कार करुन तिचा व्हिडिओ शूट केला. त्यानंतर आरोपींनी पीडितेला ब्लॅकमेल करुन तिच्याकडे पैशांची मागणी केली.

पीडितेला व्हिडिओच्या माध्यमातून धमकावण्याचं सत्र त्यांनी सुरुच ठेवलं. त्यानंतर पीडित मुलीनं अखेर घडलेला सर्व प्रकार तिच्या कुटुंबियांना सांगितला. त्यानंतर याप्रकरणी पोलिसांनी तिन आरोपींवर गुन्हा दाखल केला असून पुढील तपास सुरु आहे.