काँग्रेसला नवसंजीवनी देण्यासाठी काय आहे प्रशांत किशोर यांचा प्लॅन? | Sakal
sakal

बोलून बातमी शोधा

Prashant Kishor Plan for Congress

काँग्रेसला नवसंजीवनी देण्यासाठी काय आहे प्रशांत किशोर यांचा प्लॅन?

नवी दिल्ली : निवडणूक रणनीतीकार प्रशांत किशोर (Prashant Kishor) लवकरच काँग्रेसमध्ये (Congress) प्रवेश करण्याची शक्यता आहे. किशोर यांनी गांधी कुटुंबीयांसोबत झालेल्या बैठकीत नवीन काँग्रेसची उभारणी आणि विधानसभांसह आगामी लोकसभा निवडणुका (Loksabha Elections) जिंकण्यासाठी रणनिती मांडली. यावेळी प्रशांत किशोर यांनी काँग्रेसच्या काही निवडक नेत्यांसमोर सादरीकरण केले.

हेही वाचा: ..तर मुस्लिमांना कोणीही रोखू शकणार नाही; काँग्रेस नेत्याचं चिथावणीखोर वक्तव्य

काँग्रेसला २०२४ च्या निवडणुका कशा जिंकता येतील? याबाबत प्रशांत किशोर यांनी रणनिती सांगितली आहे. तसेच १९८४ ते २०१९ या कालावधीत काँग्रेसच्या पडझडीमागील कारण देखील सांगण्यात आले आहे. तसेच काँग्रेसला लाभलेल्या वारसाचे भांडवल करण्यात अपयश, संघटनात्मक बांधणी, लोकांपर्यंत पोहण्यात अपयशी ठरल्यामुळे काँग्रेसची ही अवस्था झाल्याचे या अहवालामध्ये म्हटले आहे. प्रशांत किशोर यांच्या योजनेनुसार, काँग्रेसला नवसंजीवनी देण्यासाठी पक्षाची पुनर्बांधणी आणि लोकशाहीकरण करणे गरजेचे आहे. याबाबत एनडीटीव्हीने वृत्त दिले आहे.

प्रशांत किशोर यांच्या काँग्रेस २.० नुसार, सोनिया गांधी या काँग्रेस अध्यक्ष, तसेच गांधी कुटुंबाशिवाय कार्याध्यक्ष किंवा उपाध्यक्ष आणि राहुल गांधींना संसदीय मंडळाचे प्रमुख बनवावे, असं सुचविण्यात आलं आहे. काँग्रेस नेतृत्वाच्या निर्देशानुसार तळागाळात पोहोचून काम करणारे बिगर गांधी कार्याध्यक्ष पाहिजे, असं या अहवालात म्हटलं आहे. तसेच पक्षातील अंतर्गत वाद सोडवणे, तळागाळातील नेत्यांची पुनर्बांधणी करणे, माध्यमे आणि डिजिटल प्रचाराचे समर्थन करणे या सर्व गोष्टी प्रशांत किशोर यांनी सूचविल्या आहेत.

Web Title: Prashant Kishor Plans For Congress Reincarnation Sonia Gandhi Rahul Gandhi

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..