Video : प्रयागराजमध्ये हत्येचा थरार! खूनाच्या घटनेतील साक्षीदार अन् पोलिसावर बेछूट गोळीबार

Prayagraj Umesh Pal Murder News : उत्तर प्रदेशातल्या प्रयागराजमधील धूमनगंज भागात शुक्रवारी भीषण गोळीबाराची घटना गडली आहे. या घटनेचा व्हीडिओ सोशल मीडियामध्ये व्हायरल झाला असून परिसरात दहशत पसरली आहे.

हल्लेखोरांनी बीएसपीचे माजी आमदार राजू पाल हत्याकांडातील मुख्य साक्षीदार उमेश पालची गोळ्या झाडून हत्या केली. या घटनेमध्ये उमेशच्या सशस्त्र सुरक्षा रक्षकाचाही मृत्यू झाला आहे.

या गोळीबाराच्या घटनेचा आरोप बाहुबली अतीक अहमद याच्यावर ठेवण्यात आला आहे. सीसीटीव्ही फुटेजमध्ये घटनाक्रम कैद झाला आहे. त्यावरुन पोलिस पुढी तपास करीत आहेत.

या घनटेमध्ये आणखी एक जण जखमी झाला असून त्याच्यावर उपचार सुरु आहेत. प्रयागराजच्या धूमनगंज भागात रस्त्यावर झालेल्या शूटआऊटमुळे दहशत पसरली आहे.

बाहुबली अतीक अहमदने ही हत्या केल्याचा आरोप पीडित परिवाराने केला आहे. घटनेची माहिती मिळताच पोलिसांचा मोठा फौजफाटा घटनास्थळी दाखल झाला. पोलिस सध्या हल्लेखोरांचा शोध घेत आहेत.