राष्ट्रपती कोविंद यांच्यावर मोतीबिंदू शस्त्रक्रिया; रुग्णालयातून डिस्चार्ज

नवी दिल्ली : राष्ट्रपती रामनाथ कोविंद (President Ramnath Kovind) यांच्यावर गुरुवारी मोतीबिंदू शस्त्रक्रिया (cataract surgery) झाली. ही शस्त्रक्रिया यशस्वीरित्या पार पडली असून त्यांना रुग्णालयातून डिस्चार्जही देण्यात आला आहे. राष्ट्रपती भवनाकडून (Rashtrapati Bhavan) याची माहिती देण्यात आली.

राष्ट्रपती भवनाकडून सांगण्यात आलं की, भारताचे राष्ट्रपती रामनाथ कोविंद यांच्यावर गुरुवारी नवी दिल्लीतील सैन्य रुग्णालयात (रेफरल अँड रिसर्च) मोतीबिंदूवर शस्त्रक्रिया करण्यात आली. ही शस्त्रक्रिया यशस्वी झाली असून यानंतर त्यांना रुग्णालयातून सुट्टी देण्यात आली आहे.

राष्ट्रपतींवर ३० मार्च रोजी झाली होती बायपास सर्जरी

यापूर्वी ३० मार्च रोजी राष्ट्रपती रामनाथ कोविंद यांच्यावर बायपास सर्जरी करण्यात आली होती. यांतर १२ एप्रिल रोजी त्यांना एम्समधून सुट्टी देण्यात आली. २६ मार्च रोजी राष्ट्रपती कोविंद यांच्या छातीमध्ये दुखत होतं. त्यामुळे त्यांना दिल्लीतील आर्मी हॉस्पिटलमध्ये (रिसर्च अँड रेफरल) उपचारांसाठी दाखल करण्यात आलं.

या ठिकाणी त्यांचं रुटीन चेकअप झालं. यानंतर डॉक्टरांनी त्यांना पुढील उपचारांसाठी एम्समध्ये दाखल करण्यात आलं होतं. यानंतर २७ मार्च रोजी त्यांना एम्समध्ये दाखल करण्यात आलं नतर त्यांच्यावर ३० मार्च रोजी यशस्वी बायपास सर्जरी झाली होती.