जयपूर - ‘शांतता आणि धार्मिक सौहार्दासाठी जगभर ओळखल्या जाणाऱ्या भारताच्या प्रतिमेला पंतप्रधान नरेंद्र मोदी यांच्यामुळे तडा गेला आहे,’’ अशी घणाघाती टीका करतानाच काँग्रेसचे अध्यक्ष राहुल गांधी यांनी आपला आवाज कुणीही दाबू नये म्हणून तरुणांनी सावध राहायला हवे, असे प्रतिपादन केले. ते येथे आयोजित युवा आक्रोश रॅलीमध्ये बोलत होते.
राहुल म्हणाले, ‘‘देशाच्या विद्यमान प्रतिमेमुळेच आज गुंतवणूकदार देशामध्ये यायला कचरतात. पंतप्रधान मोदींनी दोन कोटी रोजगारांच्या निर्मितीचे आश्‍वासन दिले होते; प्रत्यक्षात एक कोटी लोकांना त्यांचा रोजगार गमवावा लागला. तरुणांनी त्यांचा आवाज कुणीही दाबू नये म्हणून प्रयत्नशील राहायला हवे. रोजगार; तसेच देशाचे भवितव्य यावर त्यांनी सातत्याने सरकारला प्रश्‍न करावेत.’’ मोदींमुळे भारताची जगात अप्रतिष्ठा झाली असून, आज आपला देश रेप कॅपिटल म्हणून ओळखला जाऊ लागला आहे, मोदी मात्र याबाबत बोलणे टाळतात, असेही राहुल यांनी नमूद केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.