Congress : गांधी घराण्यातील अध्यक्ष नको असं राहुल गांधींच म्हणालेत; CM गेहलोतांचा मोठा गौप्यस्फोट | Sakal
sakal

बोलून बातमी शोधा

Congress President Election 2022

अध्यक्षपदाच्या निवडणुकीची रणधुमाळी सुरू असतानाच CM गेहलोत यांनी मोठा गौप्यस्फोट केला आहे.

Congress : गांधी घराण्यातील अध्यक्ष नको असं राहुल गांधींच म्हणालेत; गेहलोतांचा मोठा गौप्यस्फोट

नवी दिल्ली : देशाच्या राजकारणात काँग्रेस अध्यक्ष (Congress President Election 2022) पदाच्या निवडणुकीची सध्या जोरदार चर्चा सुरू आहे. काँग्रेस अध्यक्षपदासाठी 17 ऑक्टोबर रोजी निवडणूक होत आहे. त्यामुळं अध्यक्ष पदाच्या शर्यतीत अनेकांची नावं चर्चेत आली आहेत.

सध्या या शर्यतीत अशोक गेहलोत (Ashok Gehlot) आणि शशी थरूर (Shashi Tharur) यांची नावं आघाडीवर आहेत. तर, दुसरीकडं राहुल गांधींना काँग्रेस अध्यक्ष पदासाठी अनेक नेते आग्रही आहेत. आगामी निवडणुकीसाठी काँग्रेसचा विजयाचा मार्ग काय असावा त्यासाठी काँग्रेस पक्षाकडून जोरदार तयारी सुरू आहे. दरम्यान, आता राहुल गांधींबाबत अशोक गेहलोत यांनी मोठा गौप्यस्फोट केलाय.

हेही वाचा: काँग्रेसला संसदेत मोठा झटका; दोन महत्त्वाच्या समित्यांची जबाबदारी काढून घेण्याची शक्यता!

'लवकरच उमेदवारी अर्ज दाखल करणार'

काँग्रेसचे नेते राहुल गांधी (Rahul Gandhi) यांनी गांधी घराण्यातील कोणीही पुढील पक्षाध्यक्ष होऊ नये, असं स्पष्ट केलं होतं. काँग्रेस अध्यक्षपदाच्या निवडणुकीची रणधुमाळी सुरू असतानाच राहुल गांधींनी माहिती दिल्याचं सांगत राजस्थानचे मुख्यमंत्री अशोक गेहलोत यांनी गौप्यस्फोट केला आहे. शुक्रवारी केरळमध्ये माध्यमांना संबोधित करताना गेहलोत म्हणाले, ‘मी त्यांना (राहुल गांधींना) अनेक वेळा विनंती केली आहे की, त्यांनी काँग्रेस अध्यक्ष होण्याचा प्रस्ताव स्वीकारावा. त्यांनी स्पष्ट केलं की गांधी घराण्यातील कोणीही पुढील प्रमुख बनू नये.’ आपण लवकरच अध्यक्ष पदाच्या निवडणुकीसाठीचा उमेदवारी अर्ज दाखल करणार असल्याचं गेहलोत यांनी स्पष्ट केलं. देशाची सद्यस्थिती लक्षात घेता विरोधी पक्ष मजबूत होणं गरजेचं असल्याचंही ते म्हणाले.

हेही वाचा: आमच्यावर ठासून अन्याय केला, आता तेवढाच मोठा आगडोंब उसळणार; भाजप आमदाराचा राष्ट्रवादीला इशारा

Web Title: Rahul Gandhi Has Said That The Next Congress President Should Not Be From The Gandhi Family Ashok Gehlot

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..