Russia Ukraine War: युक्रेनने काढले Go F*** Yourself लिहिलेले स्टॅम्प्स

फेब्रुवारी महिन्यात जेव्हा रशिया युक्रेन युद्ध सुरू झालं त्यावेळी रशियाच्या सैन्याने युक्रेनच्या स्नेक आयलँडवरच्या सीमाभागातल्या सैन्याला हे बेट आपल्या ताब्यात देण्यास सांगितलं होतं. मात्र त्यावेळी युक्रेनियन सैन्याने माघार न घेता खंबीरपणे लढत दिली. याशिवाय रशियाच्या सैनिकांना युक्रेनच्या सैन्याने "Go F*** Yourself" असं म्हटल्याचीही चर्चा होती.

मात्र जेव्हा ही घटना सोशल मीडियावर व्हायरल झाली. त्यावेळी युक्रेननं आता याचे स्टॅम्प तयार केले आहेत. या स्टॅम्पवर एक सैनिक समुद्रातल्या जहाजाकडे पाहून मधलं बोट दाखवताना दिसत आहे.तसंच या स्टॅम्पवर Go F*** Yourself असं लिहिलेलंही आहे. युक्रेनच्या नागरिकांनी हे स्टॅम्प खरेदी करण्यासाठी आता पोस्ट ऑफिसांबाहेर रांगा लावल्या आहेत. हा आमच्या देशासाठी अभिमानाचा क्षण आहे. हे आमच्या धैर्याचं आणि खंबीरपणाचं प्रतीक आहे.

युक्रपोश्ता या पोस्टल नियंत्रकांच्या सोशल मीडिया पेजवरून ही माहिती देण्यात आली आहे. हे स्टॅम्प प्रकाशित होऊन आता पाच दिवस झालेत आणि या पाच दिवसांमध्ये तब्बल ५ लाखांहून अधिक प्रती विकल्या गेल्या आहेत. एका स्पर्धेमार्फत या स्टॅम्पसाठी डिझाईन्स मागवण्यात आली होती. त्यातून एक डिझाईन निवडण्यात आलं आहे. हे स्टॅम्प्स विविध दुकानांमध्ये विक्रीसाठी ठेवण्यात आले असून काही प्रमाणात ऑनलाईनही खरेदी करण्यात येणार आहेत.