Yogi Adityanath | योगींविषयी अक्षेपार्ह विधान; सपा आमदाराच्या पेट्रोल पंपावर चालला बुलडोझर | Sakal
sakal

बोलून बातमी शोधा

samajwadi party mla petrol pump bulldozed after threats to up cm yogi adityanath

योगींविषयी अक्षेपार्ह विधान; सपा आमदाराच्या पेट्रोल पंपावर चालला बुलडोझर

उत्तर प्रदेशातील बरेली येथील जिल्हा अधिकार्‍यांनी गुरुवारी आमदार शाझील इस्लाम अन्सारी यांच्या मालकीचा पेट्रोल पंप त्यांनी आवश्यक परवानग्यांशिवाय बांधल्याचा दावा केल्यानंतर तो पाडण्यात आला आहे. अन्सारी यांनी काही दिवसांपूर्वी मुख्यमंत्री योगी आदित्यनाथ यांच्याविरोधात प्रक्षोभक वक्तव्य केलं होतं. दिल्ली-रामपूर महामार्गावर पेट्रोल पंप होता, अशी माहिती एएनआय या वृत्तसंस्थेने दिली.

याआधी सोमवारी आमदार शाझील इस्लाम अन्सारी यांचा आदित्यनाथ यांना धमकावताना आणि प्रक्षोभक वक्तव्य करतानाची व्हिडिओ क्लिप ऑनलाइन समोर आल्यानंतर ते वादात सापडले होते. बरेलीमध्ये पक्षाच्या समर्थकांना संबोधित करताना, शाझील इस्लाम अन्सारी यांनी, "जर त्यांच्या (आदित्यनाथ) तोंडातून आवाज निघाला तर आमच्या (समाजवादी पक्षाच्या) बंदुकांमधून धूर नाही तर गोळ्या निघतील," असे विधान केले होते.

हेही वाचा: Realme GT 2 Pro भारतात लॉन्च; जाणून घ्या फोनची किंमत, फीचर्स

दरम्यान मुख्यमंत्र्यांच्या विरोधात 'प्रक्षोभक विधाने' केल्याच्या आरोपावरून अन्सारी आणि इतर काही जणांविरुद्ध एफआयआर दाखल करण्यात आली आहे. दंगल भडकवण्याच्या उद्देशाने शांतता बिघडवणारी, धमकी देणारी आणि चिथावणीखोर विधाने केल्याच्या आरोपाखाली त्यांच्यावर गुन्हा दाखल करण्यात आला.

आमदाराने मात्र व्हिडीओ क्लिपच्या सत्यतेवर प्रश्नचिन्ह उपस्थित केले असून त्यांनी केलेले वक्तव्य चुकीचे असल्याचा दावा केला आहे. "एका वृत्तवाहिनीने माझा व्हिडिओ संपादित केला आणि नंतर तो व्हायरल केला. कार्यक्रमात मी म्हटले होते की, प्रबळ विरोधी पक्ष असल्याने आम्ही धूर नाही तर गोळ्या सोडणाऱ्या बंदुकीसारखे सर्व गोष्टींना जोरदार प्रत्युत्तर देऊ," असे असे त्यांनी स्पष्ट केले असल्याचे PTI ने म्हटले आहे.

हेही वाचा: कोरोनाचा व्हेरिएंट XE भारतात दाखल! जाणून घ्या नेमकी काय आहेत लक्षणे

Web Title: Samajwadi Party Mla Petrol Pump Bulldozed After Threats To Up Cm Yogi Adityanath

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..