'भाजप सरकार येत नाही तोवर डिनर घेणार नाही'

सध्या देशात पाच राज्यांच्या निवडणूकांची (Assembly Election 2022) रणधुमाळी सुरु आहे. सत्ताधारी आणि विरोधक यांच्यातील राजकीय शब्दफेक आणि टीकाटिप्पणी पहायला मिळत आहे. रॅलीदरम्यान सभा, भेटीगाठी आणि दिली जाणारी आश्वासने यामुळे या निवडणूका चुरशीने होणार असल्याची चिन्हे दिसत आहेत. सत्तेत येण्यासाठी नेतेमंडळी दावेप्रतिदावे करण्यात व्यस्त आहेत. यातच आता राजस्थानचे भाजप (BJP) प्रदेशाध्यक्ष सतीश पुनिया (Satish Poonia) यांनी एक मोठी घोषणा केली आहे. 'जोपर्यंत राजस्थानमध्ये (Rajasthan) भाजप सरकार स्थापन करत नाही, तोपर्यंत हार आणि साफा घालणार नाही, एवढेच नाही तर रात्रीचे जेवण न करण्याचा पवित्राही सतीश पुनिया यांनी घेतला आहे.

उत्तर प्रदेश विधानसभा (UP Election 2022) निवडणुकीच्या पार्श्वभूमीवर त्यांनी अलिगड येथे एका निवडणूक रॅलीला सतीश पुनिया यांनी संवाद साधला केले. ते म्हणाले, राजस्थानमध्ये पक्षाची सत्ता येईपर्यंत मी हार घालणार नाही आणि रात्रीचे जेवण करणार नाही. यादरम्यान भाजप नेते सतीश पुनिया यांनी पुढील निवडणुकीत काँग्रेसला उखडून टाकण्याचा संकल्पही केला. पुढे ते म्हणाले, 'मी संकल्प केलाय जोपर्यंत 2023 मध्ये राजस्थानातून काँग्रेसला (Congress) हद्दपार करून भाजपला प्रचंड बहुमत देत नाही, तोपर्यंत मी हार घालणार नाही. याशिवाय मी रात्रीचे जेवणही त्याग करत आहे. दरम्यान, साफा ही राजस्थानातील एक पारंपरिक पगडी आहे, जी संस्कृतीचे प्रतीक मानली जाते.

दरम्यान, आता त्यांच्या या वक्तव्यामुळे राजकीय वातावरणात चर्चांना उधाण आले आहे. सत्ताधारी आणि विरोधक यांच्यातील राजकीय वाद यामुळे टोकाला जाईल अशी शक्यता वर्तवण्यात येत आहेत. सतीश पुनीया यांनी आश्वासन दिल्याप्रमाणे ते त्याचे पालन करतील का हे पाहणे आता औत्सक्याचे ठरणार असल्याची चर्चा सुरु आहे.