PM Modi Security Breach : पंतप्रधान नरेंद्र मोदी यांच्या सुरक्षेत पुन्हा एकदा मोठी चूक झाली आहे. नरेंद्र मोदी आज (शनिवार) कर्नाटक दौऱ्यावर आहेत. नरेंद्र मोदी यांचा ताफा जेव्हा दावणगेरवरुन जात होता तेव्हा एका तरुणाने थेट ताफ्यात प्रवेश केला. त्यामुळे एकच भंबेरी उडाली. तो तरूण नरेंद्र मोंदीच्या कारजवळ जाण्याचा प्रयत्न करत होता. सुरक्षा रक्षकांनी त्या तरूणाला ताब्यात घेतले आहे.
तरुणाची चौकशी केली जात आहे. तीन महिन्यांत दुसऱ्यांदा नरेंद्र मोदींच्या सुरक्षेत त्रुटी आढळून आल्या आहेत. जानेवारीत, कर्नाटकातील हुबळी येथे पीएम मोदींच्या रोड शो दरम्यान एक युवक त्यांच्या जवळ आला होता.
कर्नाटकमध्ये मे महिन्यात विधानसभा निवडणुका आहेत. या पार्श्वभूमीवर दावणगेर येथे विजयी संकल्प यात्रा आयोजीत करण्यात आली होती. प्रधानमंत्री नरेंद्री मोदी यांनी येथील प्रचार सभेला संबोधित केले.
मात्र त्यापूर्वी त्यांनी रोड शो केला. यावेशी एका तरूणाने थेट त्यांच्या ताफ्यात प्रवेश केला. उपस्थित सुरक्षा रक्षकांनी त्यांना ताब्यात घेतले आहे.
एएनआय या वृत्तसंस्थेने पंतप्रधान मोदींच्या सुरक्षेतील त्रुटीचा व्हिडिओ शेअर केला आहे. जेव्हा पीएम मोदींचा ताफा रस्त्यावरून जात आहे, तेव्हा मोठ्याने 'मोदी-मोदी'च्या घोषणा दिल्या जात आहेत. लोक रस्त्याच्या कडेला उभे राहून घोषणा देत आहेत, त्याच दरम्यान चेक शर्ट आणि निळी जीन्स घातलेला एक तरुण वेगाने मोदींच्या ताफ्यात घुसला आहे. यावेळी त्याला सुरक्षा रक्षकांनी त्यांना ताब्यात घेतले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.