Sextortion Case: केंद्रीय मंत्र्याला कॉल आला अन् आक्षेपार्ह व्हिडिओ सुरू झाले... पोलिसांनी केली कारवाई

Sextortion Case: सेक्सटॉर्शन कॉल करुन फसवून करण्याची नीवन पद्धत समोर आली. अनेक लोक यात अडकतात. आता थेट केंद्रीय मंत्र्याला सेक्सटॉर्शन कॉल आला आहे. त्यामुळे एकच खळबळ उडाली आहे. याप्रकरणी दिल्ली गुन्हे शाखेने दोघांना अटक केली आहे. या प्रकरणातील मुख्य सूत्रधाराचा शोध सध्या सुरू आहे.

केंद्रीय मंत्री प्रल्हाद पटेल यांना हा सेक्सटॉर्शन कॉल आला आहे. पटेल यांना सेक्सटोर्शन व्हिडिओ कॉल करून ब्लॅकमेल करण्याचा प्रयत्न करण्यात आला. त्यानंतर केंद्रीय मंत्र्यांच्या स्वीय सचिवांनी दिल्ली पोलीस आयुक्तांकडे तक्रार केली. दिल्ली पोलिसांनी हे प्रकरण गुन्हे शाखेकडे वर्ग केले. या प्रकरणाचा तपास केल्यानंतर गुन्हे शाखेने मोहम्मद वकील आणि मोहम्मद साहिब यांना अटक केली आहे. (latest marathi news)

केंद्रीय मंत्री प्रल्हाद पटेल यांच्या मोबाईल क्रमांकावर व्हिडिओ कॉल आला होता. तो कॉल रिसिव्ह करताच दुसऱ्या टोकाकडून आक्षेपार्ह व्हिडिओ सुरू झाले. त्यानंतर त्यांनी लगेच कॉल कट केला. मंत्र्यांच्या वतीने पोलिसांत तक्रार दाखल करण्यात आली.

दिल्ली पोलिसांनी हे प्रकरण गुन्हे शाखेकडे वर्ग केले. गुन्हे शाखेने आयपीसी कलम 420 आणि 419 अंतर्गत एफआयआर नोंदवून या प्रकरणाचा तपास सुरू केला, त्यानंतर या प्रकरणात दोन आरोपींना अटक करण्यात आली.

हे काम एका लूटमार टोळीचे असल्याची माहिती गुन्हे शाखेला मिळाली. या प्रकरणाचे तार राजस्थानशी जोडलेले असल्याचे तपासात समोर आले आहे, त्यानंतर मोहम्मद वकील आणि मोहम्मद साहिब या दोन आरोपींना राजस्थानमधील भरतपूर येथून अटक करण्यात आली आहे. अटक करण्यात आलेले आरोपी एका संघटित टोळीशी संबंधित आहेत जे सेक्सटोर्शन कॉल करून ब्लॅकमेल करतात.