मोठी बातमी : सिद्धू मुसेवाला हत्याकांडातील शूटर्सला अटक; शस्त्रे व स्फोटके जप्त | Sakal
sakal

बोलून बातमी शोधा

Sidhu Moose Wala murder shooter arrested, Weapons and ammunition seized

सिद्धू मुसेवाला हत्याकांडातील शूटर्सला अटक; शस्त्रे व स्फोटके जप्त

नवी दिल्ली : पंजाबी गायक आणि काँग्रेस नेते सिद्धू मुसेवाला (Sidhu Moose Wala) यांच्या हत्या प्रकरणात दिल्ली पोलिसांच्या स्पेशल सेलला मोठे यश मिळाले आहे. पोलिसांनी शूटर्सच्या मॉड्यूल प्रमुखासह दोन मुख्य नेमबाजांना (शुटर्स) अटक (arrested) केली आहे. त्यांच्याकडून पोलिसांनी मोठ्या प्रमाणात शस्त्रे आणि स्फोटकेही जप्त केली आहेत. (Sidhu Moose Wala murder shooter arrested, Weapons and ammunition seized)

मिळालेल्या माहितीनुसार, अटक केलेले दोन्ही आरोपींनी सिद्धू मुसेवाला यांच्यावर गोळीबार केला होता. ते लॉरेन्स बिश्नोई टोळीशी संबंधित आहोत. त्यांचा गुन्हेगारी इतिहास असल्याचे सांगण्यात येत आहे.

पंजाबी गायक सिद्धू मुसेवाला (Sidhu Moose Wala) यांची पंजाबच्या मानसा जिल्ह्यात २९ मे रोजी अज्ञात हल्लेखोरांनी गोळ्या झाडून हत्या केली होती. हल्लेखोरांचा लॉरेन्स बिश्नोई टोळीशी संबंध असल्याचा आरोप आहे. मुसेवाला हत्याकांडातील मुख्य आरोपी गँगस्टर लॉरेन्स बिश्नोई सध्या पंजाब पोलिसांच्या ताब्यात आहे. १४ जून रोजी पंजाब पोलिसांनी लॉरेन्सला अटक केली आणि ट्रान्झिट रिमांडवर पंजाबला नेले.

हेही वाचा: अग्निवीर भरतीसाठी भारतीय लष्कराकडून अधिसूचना जारी; जुलैपासून नोंदणी

पंजाब (Punjab) पोलिसांनी दिल्लीच्या पटियाला हाउस न्यायालयात युक्तिवाद केला होता की त्यांच्या तपासादरम्यान असे आढळून आले आहे की सिद्धू मुसेवाला हत्या प्रकरणातील लॉरेन्स बिश्नोई हा मुख्य सूत्रधार आहे. त्याची कोठडीत चौकशी करणे आवश्यक आहे.

हत्येचा कट तिहार तुरुंगाशी संबंधित

सिद्धू मुसेवाला यांच्या हत्येचा कट कॅनडापासून दिल्लीच्या तिहार तुरुंगाशी जोडला गेल्याचे आतापर्यंतच्या पोलिस तपासात समोर आले आहे. सिद्धू मुसेवाला यांच्या हत्येचा कट तिहार तुरुंगाशी संबंधित असण्याची शक्यता दिल्ली पोलिसांच्या स्पेशल सेलला सुरुवातीपासूनच होती. तिहार तुरुंगातून एक फोन नंबर ट्रेस करण्यात आला आहे, असे अलीकडेच दिल्ली पोलिस अधिकाऱ्याने सांगितले होते.

ब्रार हा तुरुंगात असलेल्या गुंडाचा जवळचा साथीदार

काही दिवसांपूर्वी मोहम्मद शाहरुख या गुन्हेगाराला पोलिसांनी अटक केली होती. कॅनडामध्ये राहणाऱ्या गोल्डी ब्रार या गुंडाशी बोलण्यासाठी तो मेसेजिंग ॲप वापरत होता. गोल्डी ब्रारने मुसेवालाच्या हत्येची जबाबदारी स्वीकारली आहे. त्यानंतर या हत्येत लॉरेन्स बिश्नोई टोळीचा सहभाग असल्याचा संशय पोलिसांना आहे. कारण, ब्रार हा तुरुंगात असलेल्या गुंडाचा जवळचा साथीदार आहे.

Web Title: Sidhu Moose Wala Murder Shooter Arrested Weapons And Ammunition Seized

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top