२ दिवसांपूर्वी जन्मलेल्या चिमुकलीला फेकले; मुंग्या चावल्याने मृत्यू

दोन दिवसांपूर्वी जन्मलेली चिमुकली नागरिकांना नाल्यात सापडली. याची माहिती त्यांनी पोलिसांना दिली. माहिती मिळताच पोलिसांनी घटनास्थळ गाठून चिमुकलीला रुग्णालयात दाखल केले. चिमुकलीच्या अंगभर मुंग्या चावल्या होत्या. यामुळे उपचारादरम्यान मृत्यू (Small Girl died) झाला. ही धक्कादायक घटना मध्य प्रदेशातील सतना येथे घडली. (Small Girl born 2 days ago died)

प्राप्त माहितीनुसार, सतना जिल्हा मुख्यालयापासून २१ किमी अंतरावर असलेल्या कोठी शहरातील एका नाल्याजवळ नवजात अर्भक (Infant) जिवंत अवस्थेत नागरिकांना दिसले. नागरिकांनी याची माहिती लगेच पोलिसांना दिली. पोलिसांनी नवजात चिमुकलीला सामुदायिक आरोग्य केंद्रात उपचारासाठी दाखल केले. मात्र, उपचारादरम्यान चिमुकलीचा मृत्यू झाला.

नवजात चिमुकलीला सामुदायिक आरोग्य केंद्र कोठी येथे दाखल केले असता मुंग्यांच्या चाव्याच्या खुणा अंगभर आढळून आल्या. चिमुकलीच्या मृत्यूनंतर शवविच्छेदन करण्यात आले. मृत्यूचे कारण भूकही (starvation and ant bite) सांगण्यात आले, असे पोलिसांनी सांगितले. सतना-चित्रकूट रस्त्यावरील नाल्यात दगडांमध्ये सापडलेल्या नवजात चिमुकलीच्या शवविच्छेदन अहवालामध्ये हायपोग्लायसेमियाही आढळून आल्याचे सांगण्यात आले आहे. डॉक्टरांच्या मते, भूक लागणे आणि जास्त वेळ उन्हात राहणे हे याचे कारण आहे.

अनैतिक संबंधातून चिमुकलीचा जन्म?

चिमुकलीच्या अंगात ग्लुकोजचे प्रमाणही कमी असल्याचे आढळले. ज्यामुळे तिचा मृत्यू (Small Girl died) झाला. कोठी पोलिस या प्रकरणाचा तपास करीत आहेत. मात्र, चिमुकलीला नाल्यात कोणी फेकले हे अद्याप समजू शकलेले नाही. अनैतिक संबंधातून चिमुकलीचा जन्म झाला असावा, असा संशय पोलिसांनी व्यक्त केला आहे.