अमिताभ बच्चनकडून कामगारांसाठी विशेष विमान सेवा 

लखनौ - बिग बी अमिताभ बच्चन यांनी विशेष विमानाने सुमारे दोनशे स्थलांतरित कामगारांना लखनौला त्यांच्या घरी सोडले आहे. गुरुवारी सकाळी हे विमान मुंबईतून रवाना झाले. महानायकामुळे या कामगारांना विमान सफरीचा पहिल्यांदाच आनंद घेता आला. 

ताज्या बातम्यांसाठी डाऊनलोड करा ई-सकाळचे ऍप  

लॉकडाउनमुळे राज्याच्या विविध विभागांत मोठ्या प्रमाणात कामगार अडकले आहेत. अभिनेता सोनू सूदनेही या पूर्वी कामगारांना गावी पाठविण्यासाठी विशेष रेल्वेची व्यवस्था केली होती. अभिनेता अमिताभ बच्चन यांनी एकूण सातशे कामगारांना आपल्या मूळ गावी परतण्यासाठी पुढाकार घेतला होता. त्यासाठी त्यांनी रेल्वेला निवडले होते. मात्र काही तांत्रिक कारणांमुळे रेल्वेला मंजुरी मिळाली नाही. त्यामुळे त्यांनी चार विशेष विमानांची व्यवस्था केली होती. यापूर्वी त्यांनी लखनौतील तीनशे कामगारांवी बसच्या साह्याने गावी पाठविले होते. 

पुण्याच्या बातम्या वाचण्यासाठी येथे  क्लिक करा 

गुरुवारी उन्नाव, गोंडा, लखनौ जिल्ह्यातील सुमारे 180 कामगार विमानाने गावी परतले. बच्चन यांच्या गृहनिर्मिती कंपनीचे संचालक राजेश यादव यांच्या साह्याने या विमानाची व्यवस्था करण्यात आली होती. अमिताभ बच्चन यांच्या या पुढाकाराने कामगार भारावून गेले. त्यांनी गावी परतताच बच्चन यांचे आभार मानले.