शिलाँग : जगातील सर्वोच्च एव्हरेस्ट शिखर सर करण्याचे प्रत्येक गिर्यारोहकाचे स्वप्न असते. यात काहींना यश येत तर अनेकजण अपयशी ठरतात. मेघालयातील रिफाइनेस वारजरी या चहा टपरीवर नूडल्स विकणाऱ्या अवघ्या वीसवर्षीय गिर्यारोहक तरुणीने जिद्द व निश्चयाच्या जोरावर एव्हरेस्ट शिखर सर केले आहे. एव्हरेस्ट सर करणारी ती मेघालयातील सर्वांत तरुण गिर्यारोहक ठरली आहे. एव्हरेस्टपाठोपाठ जगातील सातही खंडांतील शिखरे पादाक्रांत करण्याचे तिचे स्वप्न आहे.