मोदींमुळे तालिबान्यांना सर्जिकल स्ट्राईकची भीती - CM योगी

उत्तर प्रदेशमध्ये आगामी काळात विधानसभेच्या निवडणुका पार पडणार आहेत. त्याच पार्श्वभूमीवर सर्वच प्रमुख पक्षाचे नेते तयारीला लागल्याचं पाहायला मिळतंय. त्यातच उत्तर प्रदेशचे मुख्यमंत्री योगी आदित्यनाथ यांनी आपल्या भाषणात तालिबानबद्दल केलेलं एक वक्तव्य सध्या चर्चेत आहे. तालिबानने अफगाणिस्तान आणि पाकिस्तानमध्ये थैमान घातलं मात्र ते भारताकडे पाहू शकत नाही असं त्यांनी यावेळी सांगितलं.

उत्तर प्रदेशचे मुख्यमंत्री योगी आदित्यनाथ यांनी बोलताना भारताच्या संरक्षणाच्या दृष्टीने भारताची आंतरराष्ट्रीय पातळीवरील प्रतिमा ही ताकदवान असल्याचं सांगताना तालिबानचं उदाहरण दिलं आहे. तालिबानने मागच्या काही दिवसांत अफगाणिस्तान आणि पाकिस्तानमध्ये थैमान घातलं, मात्र भारताकडे वळूनही पाहिलं नाही. तालिबानला माहिती आहे त्यांनी तसं काही करण्याचा केल्यास लगेच त्यांच्यावर एअर स्ट्राईक होईल.