Video: शिपाई अधिकाऱयाला चपलेने मारतच राहिला...
हमीनपूर (उत्तर प्रदेश) : एका शिपायाने अधिकाऱयाला 12 सेकंदात 6 वेळा चपलेने मारल्याचा 19 सेकंदाचा व्हिडिओ सोशल मीडियावर व्हायरल झाला आहे. संबंधित घटना हमीनपुरा जिल्ह्यातील मौदहा तहसील कार्यालयात घडल्याचे वृत्त प्रसारमाध्यमांनी दिले आहे.
मौदहा तहसील कार्यालयामध्ये किरकोळ कारणावरून तहसील अधिकारी आणि शिपायामध्ये वाद झाला. हा वाद विकोपाला गेल्याने चिडलेल्या शिपायाने अधिकाऱ्याला चपलेने मारहाण केली. शिपायाने दारू पिऊन अधिकाऱ्याला बेदम मारहाण केल्याचे उपस्थितांनी सांगितले. यावेळी कार्यालयातील अन्य कर्मचाऱ्यांनी बघ्याची भूमिका घेतली. शिवाय, मारहाणीची घटना मोबाईलमध्ये कैद करत व्हायरल केली. मारहाण होत असताना कोणीही सोडवले नाही. पण, या प्रकरणी दोघांनीही तक्रार दाखल केलेली नाही. व्हिडिओ व्हायरल झाल्यानंतर परिसरात चर्चा रंगली आहे.
सोशल मीडियावर व्हायरल झालेल्या व्हिडिओमध्ये उपस्थितांचा आवाज ऐकायला येत आहे. 'संतराम पिट गया...' असा आवाज येत आहे. दरम्यान, हा व्हिडिओ व्हायरल झाल्यानंतर आता पोलिसांकडून या प्रकरणाची चौकशी सुरू आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.