असे म्हणतात की प्रत्येक यशस्वी पुरुषाच्या मागे एक स्त्री असते. सध्याच्या बिहारच्या राजकारणावर बोलायचं झालं तर ही म्हण पुन्हा एकदा खरी ठरली आहे. बिहारमध्ये गेल्या दोन दिवसांपासून सुरू असलेल्या राजकीय गोंधळाच्या पार्श्वभूमीवर आज अखेर महाआघाडीचे सरकार स्थापन होणार आहे. या सरकारमध्ये तेजस्वी यादव पुन्हा एकदा उपमुख्यमंत्री म्हणून काम पाहणार आहेत. यासोबतच तेजस्वीच्या लेडी लकचीही चर्चा रंगली आहे. म्हणजेच रेचेल उर्फ राजश्रीशी लग्न केल्यानंतर तेजस्वीचे नशीब उंचावलेले दिसत आहे.
तेजस्वी यादव आणि राजश्री यांच्या लग्नाला एक वर्षही झालेलं नसलं तरी, गेल्या काही महिन्यांत राजश्रीच्या आगमनानंतर तेजस्वीने बिहारच्या राजकारणात ज्या प्रकारे नवीन उंची गाठली आहे, त्यावरून लोक राजश्री तेजस्वी यादवसाठी खूप भाग्यवान असल्याचं म्हणू लागले आहेत. आता अशीही चर्चा आहे की, येत्या काही दिवसांत राजश्रीला राजकीय पद मिळू शकते.
रेचल उर्फ राजश्रीशी लग्न केल्यानंतर तेजस्वी यादव बिहारच्या राजकारणात सतत नवनवे विक्रम प्रस्थापित करत आहेत. RJD नेते, कार्यकर्त्यांमध्ये उत्साह निर्माण करणे असो किंवा राजकीय व्यासपीठावर भाषणे देणे असो, तेजस्वी आता पूर्वीपेक्षा अधिक परिपक्व आहेत. मिळालेल्या माहितीनुसार, पत्नी राजश्रीही तेजस्वी यादवला त्याच्या निर्णयात साथ देते आणि एक लेडी लक बनून त्याला पुढे नेण्याचे काम करते.
राजश्रीसोबत लग्न केल्यानंतर तेजस्वी यादवचे नशीब खूप बदलल्याचे आचार्य राजनाथ झा यांचे म्हणणे आहे. त्यांनी नव्या राजकीय उंचीला स्पर्श केला आहे. यावेळी ते पुन्हा बिहारचे उपमुख्यमंत्री बनणार आहेत.
राजश्रीसोबत लग्न केल्यानंतर तेजस्वी यादवचे तारे उंचावत आहेत. राजकारणात ते दिवसेंदिवस पुढे जात आहेत. त्यामुळेच यापूर्वी तेजस्वी यादव यांनी एआईएमआईएमच्या चार आमदारांना त्यांच्या पक्ष आरजेडीमध्ये विलीन केले होते.
राजश्रीसोबत लग्न केल्यानंतर तेजस्वी यादव अधिक आत्मविश्वासाने दिसल्याचे दिसून आले आहे. त्याचाच परिणाम म्हणजे ते राजकारणात हळूहळू परिपक्व होत चालले आहे.
तेजस्वी यादव यांची पत्नी राजश्री या दुसऱ्या राज्यातून आल्या असतील, पण त्या राबरी निवासस्थानी लालू कुटुंबातील प्रत्येक सदस्याला मोठ्या आपुलकीने भेटतात. तेजस्वी आणि राजश्री राबरी निवासातील सर्व लोकांशी बोलत असताना गायीला चारा घालताना दिसल्या.
तेजस्वी यादव आणि राजश्रीच्या लग्नामुळे त्यांचे कुटुंबही खूप आनंदी आहे. खरे तर लालू प्रसाद यादव आणि राबडी देवी यांचा मोठा मुलगा तेज प्रताप यादव यांचे ऐश्वर्याशी लग्न झाल्यानंतर ज्या प्रकारे गोंधळाची परिस्थिती निर्माण झाली होती, त्यानंतर राबडी देवींनाही धाकट्या सुनेला अधिक पसंती मिळत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.