आगीत पिता-पुत्रांसह ४ जणांचा मृत्यू; दरवाजा उघडण्याची संधीही मिळाली नाही

Fire in Varanasi
Fire in VaranasiFire in Varanasi

वाराणसीमध्ये गुरुवारी साडीच्या दुकानाला लागलेल्या आगीत (fire to sari factory) चार जण ठार झाले. मृतांमध्ये पिता आणि मुलाचा समावेश आहे. दोघेही बिहारमधील अररिया येथील रहिवासी होते. शॉर्टसर्किटमुळे लागलेल्या आगीने काही मिनिटांतच भीषण रूप धारण केले. या दुर्घटनेवर शोक व्यक्त करीत मुख्यमंत्री योगी आदित्यनाथ यांनी मृतांच्या कुटुंबीयांना प्रत्येकी चार लाखांची मदत जाहीर केली आहे. (Fire in Varanasi)

भेलुपूर पोलिस ठाण्याच्या हद्दीतील कामछा येथील अशफाकनगरमध्ये दाट लोकवस्तीच्या मधोमध असलेल्या घराच्या खोलीत शॉर्टसर्किट झाल्याने ही घटना घडली. बंद खोलीत चौघांचाही भाजून मृत्यू झाला. वडील आरिफ अहमद आणि मुलगा मोहम्मद शबान हे साड्यांच्या पॅकेजिंगचे काम करायचे. येथे ते भाड्याने खोली घेऊन काम करायचे. गुरुवारी दुपारीही ते साडीचे पॅकिंग करीत होते.

Fire in Varanasi
केंद्रीय कर्मचाऱ्यांसाठी मोठी भेट; गृहकर्जावरील व्याजदर केला कमी

खोलीला दोन दरवाजे होते. घटनेच्या वेळी दोन्ही दरवाजे बंद होते. एका दरवाजाजवळ शॉर्टसर्किटमुळे आग (fire to sari factory) लागली. आग साड्यांच्या बंडलापर्यंत पसरली आणि काही मिनिटांतच आगीने रौद्ररूप धारण केले. दुसरा दरवाजा उघडण्याची संधीही मिळाली नाही. आरडाओरडा ऐकून लोक पोहोचले. तोपर्यंत चौघांचाही मृत्यू (Death) झाला होता.

कुटुंबीयांना चार लाखांची मदत

या दुर्घटनेवर तीव्र शोक व्यक्त करीत मुख्यमंत्री योगी आदित्यनाथ यांनी कुटुंबीयांप्रति शोक व्यक्त केला आहे. मृतांच्या नातेवाइकांना राज्य आपत्ती निधीतून चार लाखांची मदत देण्याचे निर्देश मुख्यमंत्र्यांनी दिले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com