दिल्लीतील रोहिणी कोर्टात झालेल्या स्फोटाने खळबळ

दिल्ली (Delhi) : दिल्लीतील रोहीणी कोर्टात (Delhi rohini court) आज सकाळी झालेल्या स्फोटाने खळबट उडाली आहे. रोहिणी कोर्टात आज १०२ नंबरच्या कोर्टात सकाळी हा संशयास्पद स्फोट झाला. खबरदारी म्हणून अग्निशमन दलाच्या सात गाड्या घटनास्थळी दाखल झाल्याची माहिती वृत्तसंस्था एएनआयने दिली.

दिल्लीच्या रोहिणी कोर्टात झालेल्या स्फोटात दोघांना किरकोळ दुखापत झाल्याचं समजते. त्यांना कॅट्स अॅम्ब्युलन्समधून रुग्णालयात नेण्यात आलं आहे. रोहिणी जिल्ह्याची डीसीपी आणि एसीपी घटनास्थळी दाखल झाले आहेत. यावेळी पोलिसांच्या तपास पथकाला प्रथम दर्शनी अशी माहिती मिळाली की, कोर्ट नंबर १०२ मध्ये इलेक्ट्रॉनिक डिव्हाइस ब्लास्ट झाला होता. गुरुवारी सकाळी रोहिणी कोर्टात स्फोटाचा मोठा आवाज झाल्याने एकच धावपळ उडाली.

स्फोटानंतर हा परिसर रिकामी करण्यात आला असून पोलिस चौकशी करत आहेत. त्यामुळे न्यायालय परिसरात मोठी घबराट पसरली. दरम्यान या घटनेत कुणीही जखमी झाले नसल्याचं कळतंय.

२४ सप्टेंबर रोजी उच्च सुरक्षाव्यवस्थेने सुसज्जित रोहिणी न्यायालय टोळीयुद्धातून झालेल्या गोळीबाराने हादरले होते. या घटनेत एका कुख्यात गुंडाची हत्या झाली होती. सुरक्षारक्षकांना त्याच्या मारेकऱ्यांचा खात्मा केला होता. त्यानंतर या घटनेने परिसरात खळबळ माजली आहे.