बंगळुरू - बंगळुरूमध्ये आज विरोधीपक्षाची बैठक पार पडली. या बैठकीत विरोधकांच्या आघाडीला INDIA अर्थात इंडियन नॅशनल डेव्हलपमेंट इनक्लुसिव्ह अलाएन्स असं नाव देण्यात आले. एकूण २६ पक्ष या बैठकीत सामील होते. यावेळी ममता यांनी मोदींसह थेट भाजपला आव्हान दिलं आहे.
ममता बॅनर्जी म्हणाल्या की, आजची बैठक अत्यंत चांगली झाली. देशात दलित, अल्पसंख्यांक, हिंदू, शिख, इसाई कोणाही असो हे संकटात आहेत. सध्याच्या सत्ताधाऱ्यांचं एकच काम आहे. मणिपूर, उत्तर प्रदेश, बंगाल, बिहार, महाराष्ट्र, दिल्ली येथे एकच काम केले आहे. सरकार खरेदी करणे आणि विक्री करणे हेच सत्ताधाऱ्यांचं काम आहे.
ममता म्हणाल्या की, आमच्या इंडियाला एडीए किंवा भाजप आव्हान देऊ शकतं का? आम्ही सगळे भारतमातेवर प्रेम करतो. आम्ही देशासाठी, अर्थव्यवस्थेसाठी, दलितांसाठी लढा देणार आहोत. यापुढे संपूर्ण प्रचार, 'इंडिया' अंतर्गत होणार आहे. मणिपूरला वाचवायचं. देशाला वाचवायच आहे. भाजप देशाला विकण्याचा प्रयत्न करत आहे. लोकशाही खरेदी करण्याचा प्रयत्न करत आहे.
भाजप कोणत्याही संस्थेला काम करू देत नाही. विरोधक काही बोलले की, त्याला ईडी-सीबीआयची नोटीस मिळते. त्यामुळे आता भारत जिंकणार आणि भाजप पराभूत होईल, असा दावाही ममता यांनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.