तृणमूल काँग्रेसचे असाल तरच रोजगार मिळणार; सरपंचाने काढला आदेश

शंभर दिवसांसाठी रोजगार योजनेअंतर्गत केवळ तृणमूल काँग्रेसशी जवळीक असलेल्या नागरिकांनाच रोजगार मिळेल, असा आदेश दक्षिण २४ परगणा जिल्ह्यातील एका सरपंचाने काढला आहे.
तृणमूल काँग्रेसचे असाल तरच रोजगार मिळणार; सरपंचाने काढला आदेश

कोलकता - शंभर दिवसांसाठी रोजगार योजनेअंतर्गत केवळ तृणमूल काँग्रेसशी (Trinamool Congress) जवळीक असलेल्या नागरिकांनाच रोजगार (Employment) मिळेल, असा आदेश दक्षिण २४ परगणा जिल्ह्यातील एका सरपंचाने (Sarpanch) काढला आहे. त्यामुळे बंगालमधील राजकीय वातावरण तप्त झाले. राजकीय कल हा अशा बाबतीत निकष असू नये असे इंडियन सेक्युलर फ्रंट (आयएसएफ) या पक्षाने म्हटले आहे. (Trinamool Congress Employment West Bengal Sarpanch Order Dispute)

भांगर तालुक्यातील भोगाली-दोन पंचायतीचे सरपंच मोदस्सर हुसेन यांनी सोमवारी कार्यकर्त्यांची बैठक घेतली. त्यावेळी ते म्हणाले की, विधानसभा निवडणूकीच्यावेळी आयएसएफसाठी काम केलेल्यांना आता रोजगार हवा असेल तर त्यांनी सत्ताधारी पक्षाला शरण जावे. तेव्हा आमच्याकडून सर्व सुविधा घेऊन इतर पक्षांसाठी काम केलेल्यांचा त्याशिवाय विचार केला जाणार नाही.

भांगर येथे तृणमूल काँग्रेसला आयएसएफकडून पराभव पत्करावा लागला. अब्बास सिद्दीकी यांच्या पक्षाला मिळालेली ही एकमेव जागा ठरली. विजयी आमदार नौशाद सिद्दीकी यांनी सांगितले की, निर्वाचित प्रतिनिधी राजकीय भूमिका काहीही असली तरी सर्वांसाठी कार्य करतील.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com