हैद्राबाद - महाराष्ट्राचे मुख्यमंत्री एकनाथ शिंदे यांचे काही व्हिडीओ सोशल मीडियावर व्हायरल होत आहेत. व्हिडीओमध्ये ते अधिकाऱ्याला फोन लावून पुराची माहिती घेत आहेत. सदर अधिकाऱ्याला उपाययोजना करण्यासंदर्भात आदेश देताना दिसत आहेत. अगदी हाच पॅटर्न तेलंगणामधील नेतेही राबवत असून तेलंगणाचे मुख्यमंत्री के. चंद्रशेखर राव यांच्या कन्या के. कविता (K Kavitha) यांनी देखील अशाच पद्धतीची कृती केली आहे. (TRS leader K Kavitha news in Marathi)
टीआरएस नेत्या के. कविता यांनी निजामाबादचे जिल्हाधिकारी सी. नारायण रेड्डी आणि विशेष अधिकारी क्रिस्टीना चोंगथू यांच्यासोबत फोनवरून पाऊस आणि पुराच्या परिस्थितीचा आढावा घेतला. अतिवृष्टीच्या सतर्कतेच्या पार्श्वभूमीवर जीवितहानी टाळण्यासाठी त्यांनी त्वरित उपाययोजना करण्याच्या सूचना प्रशासनाला दिल्या. यावेळी त्यांनी संभाषणाची व्हिडीओ रेकॉर्डींग केली.
याआधी महाराष्ट्रात एकनाथ शिंदे यांचे फोनवर संभाषण करतानाचे व्हिडिओ सोशल मीडियावर व्हायरल झाले होते. यावर, नेते किती कर्तव्यदक्ष आहेत, हे दाखविण्यासाठी असं करण्यात येत असल्याच्या प्रतिक्रिया सोशल मीडियावर अनेकजन देत आहेत. तर विरोधकांनी म्हणतात, आम्ही देखील अशाच पद्धतीने फोन करून समस्या सोडवतो, परंतु, कधी कॅमेरा सुरु करत नाही.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.