दोन चिमुकल्यांची बातमी वाचून तुम्ही रडाल...

गोरखपूर (हरियाणा): गुलरिहा परिसरामधील सराय गावामध्ये दोन चिमुकल्या राहात असन, त्यांच्या वाटेला आलेले दुखः जाणल्यानंतर अनेकांना रडू कोसळले आहे. पण, या चिमुकलींच्या मदतीला गावासह पोलिस धावून आले असून, त्यांच्या आयुष्यात आशेचा किरण उगवला आहे.

प्रसारमाध्यमांनी दिलेल्या वृत्तानुसार, 12 आणि आठ वर्षाच्या दोन मुलींची ही गोष्ट आहे. सराय गावामध्ये एक कुटुंबिय राहात होते. गावातील एका धनदांडग्याने त्यांची जमीन परस्पर त्याच्या नावावर करून घेतली. आपली जमीन गेल्याच्या धक्क्याने दोन मुलींच्या वडिलांनी गळफास घेऊन आत्महत्या केली. पुढे आईनेही मुलींची साथ सोडली. आईचे बाहेर प्रेमसंबंध निर्माण झाल्यानंतर प्रियकरासोबत राहू लागली. दोन्ही बहिणी उघड्या पडल्या होत्या. दोघी एकमेकींची काळजी घेत. मिळेल ते खात. पण, त्यांच्या आयुष्यातील दुखः साथ सोडायला तयार नव्हते. आईने मोठ्या मुलीची विक्री केली. पण, ही गोष्ट गाववाल्यांच्या लक्षात आल्यानंतर त्यांनी विरोध केला आणि विकत घेणाऱयाला पळवून लावले. पुढे आईच्या प्रियकराने मुलींना त्रास देणे सुरू केले. त्याने छेडछाड सुरू केली. दोन्ही बहिणी अत्याचाराला सामोरे जावे लागले.

नातवाला आजी-आजोबांची भेट घडवण्यात कसूर केली, तर...

दोन्ही बहिणींबद्दलची माहिती पोलिसांना समजल्यानंतर पोलिस घटनास्थळी दाखल झाले. यानंतर प्रियकराने व आईने पळ काढला. ग्रामस्थ व पोलिसांनी एकत्र येत दोन्ही चिमुकल्यांचे पालकत्व स्विकारण्याचा निर्णय घेतला. शिवाय, त्यांना मदत करण्याबरोबरच त्यांची जमीन परत मिळवून देण्याचे ठरवले. ग्रामस्थ व पोलिस दोन्ही मुलींची काळजी घेत असन, त्यांच्यासाठी घरामध्ये लागणारे साहित्य भरून दिले आहे. दोघी एकमेकींची काळजी घेत असून, शाळेमध्ये अत्यंत हुशार आहेत. मोठी बहिण आठवी मध्ये तर छोटी बहिण दुसऱीच्या वर्गात शिकत आहे. गुलरिहा येथील पोलिस निरिक्षक त्यांच्यावर लक्ष ठेवून आहेत. शिवाय, त्यांना लागणारी मदतीसाठी पुढे सरसावत आहेत.

दरम्यान, पोलिसांनी दोन्ही मुलींची छेडछाड केल्याप्रकरणी आईच्या प्रियकराविरोधात व जमीन हस्तगत करणाऱयाच्या विरोधात गुन्हा दाखल केला असून, पुढील तपास सुरू आहे.

आता दुसऱ्या पत्नीलाही द्यावी लागणार पोटगी