कोलकात्यात भाजप कार्यकर्त्याची संशयास्पद हत्या, अमित शहांची CBI चौकशीची मागणी I Amit Shah | Sakal
sakal

बोलून बातमी शोधा

Amit Shah

कोलकातामधील चितपूरमध्ये एका भाजपा कार्यकर्त्याचा मृतदेह लटकलेल्या अवस्थेत आढळलाय.

कोलकात्यात भाजप कार्यकर्त्याची संशयास्पद हत्या, अमित शहांची CBI चौकशीची मागणी

कोलकाता : केंद्रीय गृहमंत्री अमित शहा (Amit Shah) यांच्या दौऱ्याच्या काही तास आधी कोलकात्यात (Kolkata) भाजप कार्यकर्त्याच्या हत्येवरून राजकारण तापलंय. अमित शहांनी या प्रकरणाची सीबीआय (CBI) चौकशीची मागणी केली असून बंगाल सरकारकडून अहवालही मागवलाय. भाजप युवा मोर्चाचा (BJP Yuva Morcha) कार्यकर्ता अर्जुन चौरसिया (Arjun Chaurasia) याचा मृतदेह शुक्रवारी सकाळी त्याच्या घराजवळ संशयास्पद स्थितीत लटकलेल्या अवस्थेत आढळून आला.

मिळालेल्या माहितीनुसार, मृत अर्जुन चौरसिया हा आज कोलकाता इथं केंद्रीय मंत्री अमित शहा यांच्या स्वागतासाठी बाइक रॅलीचं नेतृत्व करणारा होता. तृणमूल काँग्रेसनं त्यांच्या कार्यकर्त्यांची हत्या केल्याचा आरोप भाजपनं केलाय. मात्र, टीएमसीनं हा आरोप फेटाळून लावलाय.

हेही वाचा: शाळेत विद्यार्थ्यांना मुस्लिम टोपी घालण्याचे आदेश, मुख्याध्यापिकेविरुध्द गुन्हा

कोलकाता इथं अर्जुन चौरसियाच्या कुटुंबीयांची भेट घेतल्यानंतर केंद्रीय गृहमंत्री अमित शाह म्हणाले, या हत्येतील कोणत्याही आरोपींना सोडलं जाणार नाही. पश्चिम बंगालमध्ये होत असलेल्या अशा राजकीय हिंसाचाराबद्दल गृह मंत्रालय चिंतेत असून मी राज्य सरकारकडून अहवाल मागवलाय. दरम्यान, भाजप कार्यकर्त्याच्या हत्येनंतर अमित शहांनी त्यांच्या स्वागताशी संबंधित सर्व कार्यक्रम रद्द केले आहेत.

हेही वाचा: प्रसिद्ध निर्मात्याला पोलिसांनी ठोकल्या बेड्या, अभिनेत्रीला करत होता 'ब्लॅकमेल'

भाजपच्या बंगाल युनिटनं एका ट्विटमध्ये लिहिलंय, 27 वर्षीय अर्जुन चौरसिया हा भारतीय युवा मोर्चाचा उपाध्यक्ष होता. उत्तर कोलकात्यामध्ये त्याला बेदम मारहाण करून त्याची हत्या करण्यात आलीय. गेल्या वर्षी भाजपच्या 57 कार्यकर्त्यांची हत्या झाली होती. टीएमसीनं मानवतेचा गळा घोटला आहे, असं त्यांनी नमूद केलंय.

Web Title: Union Minister Amit Shah Demands Cbi Probe Into Political Murder Of Bjp Worker Kolkata

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top