UP भाजपत कुरबूर; मुख्यमंत्री योगींनी घेतली अमित शहांची भेट!

उद्या पंतप्रधान नरेंद्र मोदींना भेटणार
Amit Shah_Yogi Adityanath
Amit Shah_Yogi AdityanathSkal Media

नवी दिल्ली : उत्तर प्रदेशात कोरोनाची परिस्थिती हाताळण्यावरुन भाजपमध्ये कुरबूर सुरु झाली आहे. या पार्श्वभूमीवर मुख्यमंत्री योगी आदित्यनाथ यांनी केंद्रीय गृहमंत्री अमित शाह यांची दिल्लीतील निवासस्थानी भेट घेतली. याच विषयावर चर्चेसाठी योगी उद्या पंतप्रधान नरेंद्र मोदी यांची देखील भेट घेणार आहेत. (UP CM Yogi Adityanath met Union HM Amit Shah in Delhi)

पुढील वर्षी उत्तर प्रदेशात विधानसभा निवडणूक होणार आहे. त्यातच सध्या उत्तर प्रदेश भाजपमध्ये अंतर्गत कुरुबुऱ्या सुरु झाल्या आहेत. कोविड काळातील परिस्थिती सरकारकडून योग्य प्रकारे हाताळली गेली नसल्याचं काही भाजप नेत्याचं म्हणणं आहे. या पार्श्वभूमीवर मुख्यमंत्री योगी आदित्यनाथ यांची दिल्ली हायकमांडसोबत गुरुवारी पहिली बैठक पार पडली.

Amit Shah_Yogi Adityanath
LPG गॅससाठी आता डिस्ट्रिब्युटर निवडता येणार; जाणून घ्या कसं?

दरम्यान, भाजपचे ज्येष्ठ नेते बी. एल. संतोष यांनी अलीकडेच राज्यात योगी सरकारच्या कोविड-१९ संकटकाळातील व्यवस्थापनासंदर्भात दोन दिवसांची आढावा बैठक घेतली होती. या बैठकीनंतर त्यांनी योगी सरकारचं कौतुकही केलं होतं. संतोष यांनी ट्विटरवरुन सांगितलं होतं की, "आदित्यनाथ यांनी २० कोटी लोकसंख्येच्या उत्तर प्रदेशात कोरोनाच्या संकटावर पूर्णपणे मात केली आहे.

Amit Shah_Yogi Adityanath
'दारिद्र्य कमी करण्यासाठी कुटुंब नियोजन करा'; आसामच्या मुख्यमंत्र्यांचं मुस्लिमांना आवाहन

दरम्यान, जतिन प्रसाद हे काँग्रेसमधून भाजपत दाखल झाल्यानंतर आज दुसऱ्या दिवशी योगींनी दिल्लीत पक्षश्रेष्ठींची भेट घेतली आहे. प्रसाद यांच्याकडं ब्राह्मण समाजाचा चेहरा म्हणूनच पाहिलं जात आहे. जे उत्तर प्रदेशातील ब्राह्मण व्होट बँकेवर मोठा प्रभाव टाकण्याची शक्यता असल्याचं बोललं जात आहे. ट्विटद्वारे योगींनी प्रसाद यांचं भाजपत स्वागत केलं होतं. प्रसाद यांच्या भाजपत आल्यामुळे उत्तर प्रदेशात पक्ष अधिक मजबूत होईल असंही त्यांनी ट्विटमध्ये म्हटलं होतं.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com