UPSC Success Story : वयाच्या 23व्या वर्षी 'यूपीएससी'त यश मिळवणारी सृष्टी!

टीम ई-सकाळ
मंगळवार, 24 डिसेंबर 2019

लहानपणापासून अधिकारी होण्याचे स्वप्न मी पाहात होते. माझी 'आयएएस'साठी निवड होईल, हे मला स्वप्नातही वाटले नव्हते.

UPSC Success Story : केंद्रीय लोकसेवा आयोग (यूपीएससी) चा सन 2018चा निकाल जाहीर होऊन खूप दिवस लोटले तरी या निकालाची चर्चा पुढील निकालापर्यंत सुरूच राहते. याला कारणेही बरीच असतात. या स्पर्धेतील यशस्वीतांची भाषणे नव्या स्पर्धकांना प्रेरणादायी ठरत असतात. 

ताज्या बातम्यांसाठी डाऊनलोड करा ई-सकाळचे ऍप

या स्पर्धेत देशात मुलींमध्ये टॉपर ठरली ती मध्य प्रदेशची सृष्टी देशमुख. सृष्टी मुलींमध्ये पहिली आणि पूर्ण देशात पाचवा क्रमांक (AIR 5) मिळवून उत्तीर्ण झाली. मुली मुलांपेक्षा काही कमी नाहीत, हेच तिने या निकालातून दाखवून दिले. याबद्दल तिच्यावर देशभरातून कौतुकाचा वर्षाव झाला, अजूनही होत आहे. सध्या सृष्टी मसूरीतील लाल बहाद्दूर शास्त्री नॅशनल अॅकॅडमी ऑफ अॅडमिनिस्ट्रेशन (LBSNAA) मध्ये प्रशिक्षण घेत आहे.

- शेतकऱ्यांनो वाचा : एक भाऊ एमबीए, एक इंजिनीअर, शेतीतून कमावतात 15 कोटी!

या परीक्षेची तयारी आणि तिच्या आयुष्यातील काही गोष्टी तिने शेअर केल्या. स्पर्धा परीक्षेची तयारी कशी केली? कोचिंग क्लासेस आणि सेल्फ स्टडी या विविध विषयांवर ती म्हणाली, मी कोचिंग क्लासेस लावले होते. पण, क्लासेस लावले तरीदेखील तुम्हाला सेल्फ स्टडी करावाच लागतो. मी दररोज साधारण सहा तास अभ्यास करायचे. जसजशी परीक्षा जवळ येत गेली तसतसे अभ्यासाचा वेळ वाढत गेला. पण मला जाणवले की, जास्त वेळ अभ्यास केल्यानंतर त्याचा यशावर परिणाम होतो, असे मुळीच नाही. तुम्ही अभ्यास कसा करता हे महत्त्वाचे. 

 
 
 
 

 
 
 
 
 
 
 
 
 

With the friends from North East on the State Day..! And on a Saturday trek to Kempty....

A post shared by Srushti Jayant Deshmukh (@srushtideshmukhias) on

परीक्षेची तयारी आणि सोशल मीडिया

सध्या सृष्टी मसूरीमध्ये ट्रेनिंग घेत आहे. त्यामुळे ती बऱ्यापैकी सोशल मीडीयावर अॅक्टिव्ह असते. अधूनमधून ती काही फोटो पोस्टही करते. पण जेव्हा ती परीक्षेची तयारी करत होती त्यावेळी सोशल मीडिया वापरत होते का? असं विचारल्यावर सृष्टी म्हणते, मी या स्पर्धेची तयारी करत असताना सोशल मीडिया पूर्णपणे बंद केला होता. मी सोशल मीडियापासून दूर राहिले, पण अभ्यासासाठी इंटरनेटचा वापर करत होते.

- पोलिस अधीक्षक तेजस्वी सातपुतेंवर कारवाई?

कारण मी या परीक्षेची तयारी भोपाळमध्ये माझ्या घरी करत होते. ऑनलाईन टेस्ट पेपरवर माझा जास्त भर होता, ज्याचा मला परीक्षेत खूप फायदा झाला. तसेच मागील काही वर्षाचे पेपरही मला इंटरनेटवरून मिळाले. टेन्शन घालवण्यासाठी मी गाणी ऐकायचे, तसेच रोज योग आणि ध्यानधारणा करायचे, असेही तिने सांगितले. 

 
 
 
 

 
 
 
 
 
 
 
 
 

At Rashtrapati Bhawan.. Special moment to meet the Honourable President and Prime Minister Sir.

A post shared by Srushti Jayant Deshmukh (@srushtideshmukhias) on

अधिकारी होण्याचं स्वप्न !

लहानपणापासून अधिकारी होण्याचे स्वप्न मी पाहात होते. माझी 'आयएएस'साठी निवड होईल, हे मला स्वप्नातही वाटले नव्हते. या माझ्या प्रवासात बऱ्याच लोकांचा सहभाग आहे, ज्यांना माझ्या यशाचं श्रेय जातं, पण याचे जास्त श्रेय माझ्या पालकांना जाते. कारण त्यांनी मला नेहमीच साथ दिली आणि वेळोवेळी मार्गदर्शन करत माझ्या पाठीशी उभे राहिले. 

- INDvsWI : स्वत:लाच सिद्ध करुन दाखवायचं होतं की मी वनडे खेळू शकतो

 
 
 
 

 
 
 
 
 
 
 
 
 

Trek to Lal Tibba and Earlier with Friends from Bhutan..

A post shared by Srushti Jayant Deshmukh (@srushtideshmukhias) on

सृष्टी विषयी :- 

पूर्ण नाव - सृष्टी जयंत देशमुख (भोपाळ)
- यूपीएससीमध्ये देशात पाचवा क्रमांक आणि मुलींमध्ये अव्वल
- 2018 मध्ये राजीव गांधी टेक्नॉलॉजी युनिव्हर्सिटीतून केमिकल इंजिनिअरिंगमध्ये बी.टेक. पदवी उत्तीर्ण
- सृष्टीचा लहान भाऊ सातवीत शिकत आहे. आई शिक्षिका, तर वडील अभियंते आहेत.
- आणि सर्वात महत्त्वाची गोष्ट ही की, सृष्टी वयाच्या 23 व्या वर्षी यूपीएससी ही देशातील सर्वात मानाची आणि खडतर परीक्षा उत्तीर्ण झाली आहे.

 
 
 
 

 
 
 
 
 
 
 
 
 

...dressed up for the MARATHI CULTURALS..and earlier this day...

A post shared by Srushti Jayant Deshmukh (@srushtideshmukhias) on


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: UPSC Success Story At the age of 23 Srushti Deshmukh cleared the UPSC exam