उन्नाव पीडितेच्या आईविरोधात 'समाजवादी' उमेदवार नसणार? काँग्रेसनं दिलंय तिकीट | Sakal
sakal

बोलून बातमी शोधा

उन्नाव पीडितेच्या आईविरोधात 'समाजवादी' उमेदवार नसणार?

उन्नाव पीडितेच्या आईविरोधात 'समाजवादी' उमेदवार नसणार?

लखनऊ: काँग्रेस पक्षाकडून (Congress) उन्नाव बलात्कार प्रकरणातील पीडितेच्या आईला उमेदवारी देण्यात आली आहे. काँग्रेसने महिलांना आणि पीडितांना प्रतिष्ठा देण्याच्या बाबतीत उचललेल्या या महत्त्वपूर्ण पावलाचं सर्वत्र कौतुक होत असताना आता समाजवादी पक्षानेही (Samajwadi Party) मोठा निर्णय घेतला असल्याची माहिती आहे. समाजवादी पक्ष या मतदार संघातून कोणताही उमेदवार काँग्रेसच्या उमेदवार आशा सिंu यांच्याविरोधात उभा करणार नसल्याची माहिती समोर येतेय. काँग्रेसच्या उमेदवार आशा सिंह यांनी क्विंटशी बातचित करताना यांसदर्भात माहिती दिली आहे. त्यांनी म्हटलंय की, समाजवादी पक्षाकडून त्यांना सांगितलं गेलंय की, त्या जागेवार त्यांच्याकडून कुणालाही रिंगणात उतरवण्यात येणार नाहीये.

हेही वाचा: कोरोनाच्या लशीने पॅरालिसीस झाला बरा

गेल्या गुरुवारी काँग्रेसने त्या 50 महिला उमेदवारांच्या नावाची घोषणा केली आहे ज्या आपल्या मुद्यासाठी सर्वांत पुढे राहिलेल्या आहेत. त्यातीलच एक महत्त्वाचं नाव म्हणजे उन्नाव बलात्कार प्रकरणातील पीडितेची आई आशा सिंह यांचं होयं. त्या उन्नाव मतदार संघातून निवडणूक लढवणार आहेत.

हेही वाचा: ज्येष्ठ शिवसेना नेते सुधीर जोशी यांची प्रकृती अत्यावस्थ; मुंबईत उपचार सुरू

आशा सिंह यांनी म्हटलंय की, अखिलेश भैयाने नेहमीच मला साथ दिली आहे. पक्षानेही मला नेहमीच सोबत केलीय. मला असं समजलंय की, समाजवादी पक्ष या जागेवरुन कुणालाही रिंगणात उभं करणार नाहीये. मात्र, समाजवादी पक्षाचे उन्नावचे जिल्हाध्यक्ष धर्मेंद्र सिंह यादव यांच्याशी याबाबत विचारलं असता त्यांनी म्हटलंय की, अद्याप तरी याप्रकारचा कसलाही आदेश आलेला नाहीये. माझ्याकडे पक्षाकडून असा कोणताही आदेश प्राप्त झालेला नाहीये.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top