Atiq Ahmed shot dead : मोठी बातमी! मुलगा असदनंतर गँगस्टर अतिक अहमद अन् भाऊ अश्रफचाही गोळीबारात मृत्यू

लखनऊ : उत्तर प्रदेशातील अतिक अहमद आणि त्याचा भाऊ अश्रफ या दोघांचाही दोन-तीन जणांनी केलेल्या गोळीबारात मृत्यू झाला आहे. या दोघांना मेडिकल टेस्टसाठी नेताना हा प्रकार घडला. याप्रकरणी पोलिसांनी तीन जणांना ताब्यात घेतलं आहे. दोन दिवसांपूर्वी अतिकचा मुलगा असद याचा पोलिसांनी एन्काऊंटर केला होता. आजच कुटुंबियांकडून त्याचा मृतदेह दफन करण्यात आला त्यानंतर लगेचच ही घटना घडल्यानं खळबळ उडाली आहे.

दोन दिवसांपूर्वी गँगस्टर अतिक अहमदचा मुलगा दोन नंबराच मुलगा असद याला दोन दिवसांपूर्वी झाशी इथं पोलिसांनी चकमकीत ठार केलं होतं. त्याच्यासोबत त्याचा एक मित्रही यामध्ये मारला गेला होता. उमेशपाल हत्या प्रकरणातील तो प्रमुख आरोपी होता.

दरम्यान, २००५ मध्ये बसपा आमदार राजू पाल यांच्या हत्या प्रकरणात अतिक अहमद आरोपी होता. तेव्हापासून तो फरार होता. पण नंतर त्याला पोलिसांनी ताब्यात घेतलं. काही दिवसांपूर्वी अतिकला गुजराच्या साबरमती तुरुंगातून त्याला नुकतंच प्रयागराज तुरुंगात हालवलं होतं. आपल्याला गुजरातच्या तुरुंगातून उत्तर प्रदेशात ट्रान्झिट रिमांड नको होती. पण अखेर त्याला जी भीती वाटत होती ती खरी ठरली आहे.