लखनौ : उत्तर प्रदेशात निवडणूक आचारसंहिता (Code of Conduct)लागू झाल्यामुळे स्थानिक प्रशासनाच्या कर्मचाऱ्यांनी विविध राजकीय पक्षांचे फलक, (Banner)पोस्टर(Poster) काढण्याच्या कामास शनिवारी प्रारंभ केला. शनिवारी उत्तर प्रदेशसह पाच राज्यांतील निवडणूक कार्यक्रमाची घोषणा झाली. उत्तर प्रदेशात(Uttar Pradesh) सात टप्प्यांत मतदान (Voteing)होणार आहे. राज्याच्या पश्चिमेकडून पूर्वेकडे या फेऱ्यांचे आयोजन होईल.
मुख्य निवडणूक अधिकारी अजयकुमार शुक्ला यांनी सांगितले की, राज्यात आदर्श निवडणूक आचारसंहिता लागू झाली असून तिचे पालन केले जाईल. सर्व जिल्हा दंडाधिकारी कार्यालयांतील अधिकाऱ्यांकडे अंमलबजावणीची जबाबदारी सोपविण्यात आली आहे. ते आपले अहवाल नियमित पाठवतील.
लखनौचे जिल्हा दंडाधिकारी अभिषेक प्रकाश यांनी सांगितले की, केंद्रीय निवडणूक आयोगाच्या आदेशानुसार काटेकोर कार्यवाही केली जात आहे. आचारसंहितेबाबतच्या सूचना महापालिका आयुक्तांना पाठविल्या आहेत. त्यानंतर शनिवारीच पोस्टर काढण्याचे काम सुरु करण्यात आले.बस्ती येथून आलेल्या वृत्तानुसार जिल्हा दंडाधिकारी सौम्या अगरवाल यांनी सांगितले की, सार्वजनिक मालमत्तांच्या ठिकाणी लावण्यात आलेली पोस्टर काढली जात आहेत.इटावा आणि फारुखाबाद येथूनही या आशयाची वृत्ते येत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.