उत्तर प्रदेशातील वाराणसीत संतापजनक अशी घटना घडलीय. स्पोर्ट्स कॉलेजमध्ये प्रवेशाची तयारी करणाऱ्या विद्यार्थीनीवर सहा दिवस अत्याचार करण्यात आले. एक दोन नव्हे तर तब्बल २३ जणांनी सहा दिवस बलात्कार केल्याची तक्रार पीडितेच्या आईनं दिलीय. रविवारी रात्री उशिरा या प्रकरणी गुन्हा दाखल झाला आहे. यात १२ जणांची नावे असून ११ जण अज्ञात आहेत. या प्रकरणी राज विश्वकर्मा, समीर, आयुष, सोहेल, दानिश, अनमोल, साजिद, जाहिर, इमरान, जॅब, अमन आणि राज खान यांना आरोपी करण्यात आलंय. सगळेच हुकुलगंज आणि जवळपासच्या परिसरातील रहिवाशी आहेत.
