Nano Creator Award : उत्तराखंडमधील पियुषचा पंतप्रधानांच्या हस्ते गौरव, मुख्यमंत्री धामी यांनी केला आनंद व्यक्त  

Nano Creator Award :

उत्तराखंडमधील चमोली जिल्ह्यातील बामोथ गावातील रहिवासी असलेल्या पियुष पुरोहितला नवी दिल्लीत पंतप्रधान नरेंद्र मोदी यांच्या हस्ते डिजिटल इंडिया अंतर्गत नॅनो क्रिएटर पुरस्काराने सन्मानित करण्यात आले आहे. या डिजिटल स्पर्धेत देशभरातून 30 जणांनी सहभाग घेतला होता.

मुख्यमंत्री पुष्कर सिंह धामी यांनीही पियुष पुरोहित यांना सर्वोत्कृष्ट नॅनो क्रिएटर पुरस्काराने सन्मानित केल्याबद्दल आनंद व्यक्त केला आहे.

पियुष पुरोहित यांचे अभिनंदन करून मुख्यमंत्र्यांनी त्यांच्या या प्रयत्नांचे कौतुक केले आहे.पियुषला मिळालेला सन्मान हा राज्यासाठीही सन्मान असून यातून राज्यातील तरुणांना विविध क्षेत्रात नवनिर्मितीसाठी प्रेरणा मिळेल असेही ते म्हणाले.

20 वर्षीय पियुष पुरोहित याला शुक्रवारी (8 मार्च) दिल्लीत आयोजित समारंभात पंतप्रधान नरेंद्र मोदी यांच्या हस्ते नॅनो क्रिएटर पुरस्काराने सन्मानित करण्यात आले. तो सर्वात तरुण स्पर्धक म्हणून गौरवला गेला आहे.

पीयूष उत्तराखंडच्या संस्कृतीशी संबंधित व्हिडिओ सोशल मीडियावर बनवतो. पियुष पुरोहित हा डेहराडूनच्या डीएव्ही कॉलेजमध्ये बीएससीच्या तिसऱ्या वर्षात शिकत आहे. पियुषचे वडील नागेंद्र पुरोहित हे डेहराडून येथील शासकीय आंतर महाविद्यालय भगवद्वारीखल येथे इंग्रजीचे प्राध्यापक आहेत. आणि पियुषची आई अनिता देवी गृहिणी आहेत.