Crime News : ज्यूस पाजून उझबेकिस्तानच्या महिलेवर बलात्कार; आरोपीनं बनवला अश्लील व्हिडिओ

नवी दिल्ली : आपल्या मुलाच्या उपचारासाठी उझबेकिस्तानमधून (Uzbekistan Women) दिल्लीत आलेल्या महिलेला ज्यूसमध्ये मादक पदार्थ मिसळून तिच्यावर बलात्कार केल्याची घटना समोर आलीये.

आरोपीनं बलात्काराचा व्हिडिओही बनवला. तसंच याबाबत कुणालाही न सांगण्याची धमकी दिली. केएन काटजू मार्ग पोलिसांनी एफआयआर नोंदवून तपास सुरू केला आहे.

आरोपी हा महिलेच्या मित्राचा लिव्ह इन पार्टनर असून तो सध्या पोलिसांच्या (Delhi Police) ताब्यात आहे. पोलिसांना दिलेल्या तक्रारीत महिलेनं सांगितलं की, माझ्या मुलाला अनेक वर्षांपासून डिस्कचा त्रास होत होता. 2019 मध्ये त्याच्यावर उपचार करण्यासाठी मी भारतात आली होती.

पीडितेसोबत तिची आईही आली होती. डॉक्टरांनी महिलेच्या मुलाला काही महिने हॉस्पिटलमध्ये ठेवलं. मुलाची तब्येत बरी झाल्यावर त्यांनी मुलाला आईसह उझबेकिस्तानला पाठवलं. यानंतर ती उझबेकिस्तानमधून आली आणि दक्षिण दिल्लीत राहणाऱ्या लोकांसोबत राहू लागली. तिथं ती घरगुती नोकर म्हणून काम करत होती.

दरम्यान, 5 मार्चला तरुणानं तिला पिण्यासाठी ज्यूस दिल्याचा आरोप आहे. ज्यूस प्यायल्यानंतर ती बेशुद्ध झाली. त्यानंतर तरुणानं तिच्यावर बलात्कार केला आणि तिचा अश्लील व्हिडिओही बनवला. यानंतर त्यानं याविषयी कोणाला सांगितलं तर हा व्हिडिओ अनेक ठिकाणी प्रसारित करू, अशी धमकी दिली. कसंबसं तिनं हिंमत करुन पोलिसात तक्रार केली. केएन काटजू मार्ग पोलीस ठाण्यात एफआयआर नोंदवून तपास सुरू केला असून सध्या आरोपी फरार आहे.