भारतीयांच्या पैशाने लशींची निर्यात नाही : डॉ. हर्षवर्धन

नवी दिल्ली - भारताने पंधरा मार्चपर्यंत जगभरातील ७२ देशांना देशी बनावटीच्या कोरोनाप्रतिबंधक लशींचे ५ कोटी ९४ लाख डोस दिले असून निर्यातीसाठी सर्वसामान्य नागरिकांचे पैसे खर्च करण्यात आलेले नाहीत, असे प्रतिपादन केंद्रीय आरोग्यमंत्री डॉ. हर्षवर्धन यांनी आज राज्यसभेत बोलताना केले. 

प्रश्‍नोत्तराच्या तासातील पुरवणी प्रश्‍नांना उत्तर देताना ते म्हणाले की, लशींच्या किंमती कमी ठेवण्यात आल्या आहेत. खासगी रुग्णालयांसाठी लसीची किंमत किमान २५० रुपये एवढी ठेवण्यात आली असून त्यातील शंभर रुपये हे संबंधित रुग्णालयाला दिले जातील. अन्य पैसे सरकारला मिळतील, असे त्यांनी सांगितले. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

आखणी दहा कोटी डोस घेणार
दरम्यान, सीरम इन्स्टिट्यूटकडून कोव्हिशिल्ड लसीचे आणखी दहा कोटी डोस खरेदी करण्याचा निर्णय केंद्राने घेतला आहे. त्यासाठी सरकार १५७.५० कोटी रुपये मोजणार आहे.

Edited By - Prashant Patil