Viral Video : कार्याला सलाम! आत्महत्या करणाऱ्या महिलेला असे दिले जीवनदान

Fire Fighter Save Women Life : सोशल मीडियावर अनेकादा विविध विषयांवरील व्हिडिओ व्हायरल होत असतात. जे पाहून अनेकदा अंगावर काटा आल्याशिवाय राहत नाही. असाच एक व्हिडिओ सध्या सोशल मीडियावर मोठ्या प्रमाणात व्हयरल होत असून, यामध्ये आग्निशमन दलाच्या जवानाच्या कार्याचे तोंड भरून कौतुक केले जात आहे.

सोशल मीडियावर व्हायरल होणाऱ्या व्हिडिओमध्ये एक महिला इमारतीच्या खिडकीवर बसलेली दिसून येत असून, जी नैराश्येच्या गर्तेत जीवन संपवण्याच्या विचारात आहे. मात्र, त्याचवेळी एक अग्निशामक दलाचा जवान स्वतःचा जीव धोक्यात घालून वरच्या मजल्यावरून खाली येत या महिलेला आतल्या बाजूला ढकलतो. ज्यामुळे महिलेचा जीव वाचला. सध्या या जवानाच्या कार्यचे नेटकऱ्यांकडून तोंड भरून कौतूक केले जात असून, त्याच्या कार्याला सलाम केला जात आहे.

व्हायरल होणारा हा व्हिडिओ कम्युनिकेटर ऑफ इलोरिन नावाच्या पेजने ट्विटरवर शेअर केला असून, आतापर्यंत या व्हिडिओला 4.8 दशलक्षाहून अधिक व्ह्यूज मिळाले असून, महिलेचा जीव वाचवल्याबद्दल युजर्स फायर फायटरचे कौतुक करत आहेत.