मोबाईलचा स्फोट; आईसह दोन मुलांचा मृत्यू

women and two child death due to mobile blast at karur tamilnadu
women and two child death due to mobile blast at karur tamilnadu

चेन्नई (तामिळनाडू): चार्जिंगला लावलेल्या मोबाईलचा स्फोट होऊन लागलेल्या आगीत आई आणि दोन लहान मुलांचा मृत्यू झाला. मुथूलक्ष्मी (29), आणि रणजीत (वय तीन) आणि दक्षित (वय 20) अशी मृतांची नावे आहेत. करुरमध्ये येथे खळबळजनक घटना घडली.

मुथूलक्ष्मी या मोबाईल चार्जिंगला लावलेला असतानाही मोबाईलवरही बोलत होत्या. बोलणे बंद झाल्यानंतर त्यांनी मोबाईल चार्जिंगला लावलेल्या अवस्थेत तसाच ठेवला. पण, काही वेळातच मोबाईलचा स्फोट झाला. स्फोट एवढा मोठा होता की यामध्ये मुथूलक्ष्मी यांच्यासह त्यांची मुले गंभीर जखमी झाली. उपचारासाठी त्यांना तत्काळ रुग्णालयात दाखल करण्यात आले. पण, उपचारापूर्वीच त्यांचा मृत्यू झाल्याचे डॉक्टरांनी घोषीत केले. तिघांच्या मृत्यूने परसिरता खळबळ उडाली आहे.

दरम्यान, मुथूलक्ष्मी यांचे सहा वर्षांपूर्वी बाळकृष्ण यांच्यासोबत विवाह झाला होता. दोघे जेवणाचे स्टॉल चालवून कुटुंबाचा खर्च भागवत होते. पण, कर्ज वाढल्याने बाळकृष्ण कुटुंबाला सोडून दुसरीकडे राहात होते. त्यानंतर मुथूलक्ष्मी या दोन्ही मुलांचा सांभाळ करत होत्या. लॉकडाऊनमुळे त्यांची आर्थिक परिस्थिती खालावली होती. काटकसर करून त्या मुलांना सांभाळत होत्या. पण, स्फोटामुळे तिघांना जीव गमवावा लागला. या घटनेमुळे करुर गावात शोकाकूल वातावरण आहे. या घटनेचा पुढील तपास करुर पोलिस करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com