Wrestler Protest: अखेर बृजभूषण सिंह यांच्यावर गुन्हा दाखल! 'पॉक्सो'सह दोन FIR

ऑलिम्पिकपटू महिला खेळाडूंचं लैंगिक शोषण केल्याच्या आरोपांतर्गत त्यांच्यावर गुन्हा दाखल झाला आहे.

Brijbhushan SinghEsakal

नवी दिल्ली : ऑलिम्पिकपटू महिला खेळाडूंचं लैंगिक शोषण केल्याप्रकरणी भारतीय कुस्ती महासंघाचे अध्यक्ष बृजभूषण शरण सिंह यांच्याविरोधात लैंगिक गुन्ह्यांपासून मुलांचे संरक्षण कायदा 2012 (POCSO) अंतर्गत गुन्हा दाखल करण्यात आला आहे. यांसह महिला खेळाडूंना अपमानास्पद वागणूक दिल्याबद्दल दुसरा विनयभंगाचा गुन्हाही त्यांच्यावर दाखल करण्यात आला आहे. पीटीआयनं पोलीस अधिकाऱ्यांच्या हवाल्यानं याबाबत वृत्त दिलं आहे.

One FIR against WFI chief registered under POCSO Act, IPC, second pertains to outraging modesty, say officials
— Press Trust of India (@PTI_News) April 28, 2023

दिल्लीचे पोलीस उपायुक्त प्रणव दयाल यांच्या माहितीनुसार, महिला कुस्तीपटुंच्या तक्रारीवरुन भारतीय कुस्ती महासंघाचे अध्यक्ष बृजभूषण शरण सिंह यांच्याविरोधात कॉनॉट प्लेस पोलीस ठाण्यात दोन गुन्हे दाखल करण्यात आले आहेत.

First FIR pertains to allegations levelled by a minor victim, registered under POCSO Act along with relevant IPC sections concerning outraging of modesty. Second FIR is registered for carrying out comprehensive investigations into the complaints tendered by other, adult…
— ANI (@ANI) April 28, 2023

बृजभूषण सिंह यांच्यावरील पहिली एफआयआर अल्पवयीन पीडित महिला खेळाडूनं केलेल्या आरोपांशी संबंधित आहे. ज्यासाठी त्यांच्यावर POCSO कायद्यांतर्गत विनयभंगा संबंधित IPCचं कलम लावण्यात आलं आहे. इतर, प्रौढ महिला खेळाडूंनी केलेल्या तक्रारींची सर्वसमावेशक चौकशी करण्यासाठी दुसरी एफआयआर विनयभंगाशी संबंधित कलमांतर्गत नोंदवली आहे, असंही पोलीस उपायुक्त प्रणव दयाल यांनी सांगितलं आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Crime News