Crime News : अयोध्येतील हनुमान मंदिरात तरुणाची गळा चिरून हत्या

उत्तर प्रदेशमधील (Uttar Pradesh) अयोध्येतील हनुमान मंदिरात (Ayodhya Hanuman Temple) एका तरुणाची गळा चिरून हत्या करण्यात आलीय. मिळालेल्या माहितीनुसार, अयोध्येतील कुमारगंज इथं हनुमान मंदिर आहे. या गावात एक तरुण आपल्या आजीच्या घरी आला होता आणि उष्णतेमुळं तो मंदिरात झोपला असता तिथंच त्याचा गळा चिरून खून करण्यात आलाय.

या प्रकरणी पोलिसांनी मृतदेह शवविच्छेदनासाठी पाठवण्यात आल्याचं सांगितलं. याचा अहवाल आल्यानंतर पुढील कारवाई केली जाईल. तसंच तरुणाच्या गळ्यावर जखमा आढळल्याचंही पोलिस (Uttar Pradesh Police) म्हणाले.

अयोध्या जिल्ह्यातील कुमारगंज पोलीस ठाण्यांतर्गत असलेल्या भूआपूर-देवगावमधील हनुमान मंदिरात एका तरुणाची हत्या करण्यात आलीय. पंकज शुक्ला असं तरुणाचं नाव असून त्याचं वय 35 वर्षे आहे. गळा चिरून ही हत्या करण्यात आल्याचं पोलिसांचं म्हणणं आहे. या हत्येनंतर कुटुंबातील लोकांनी पोलिसांना माहिती दिलीय. घटनास्थळी पोहोचलेल्या पोलिसांनी पंचनामा करून मृतदेह ताब्यात घेऊन शवविच्छेदनासाठी पाठवला आहे.